అహ్మదాబాద్, జనవరి 21: ప్రసిద్ధ శాస్ర్తియ నృత్య కళాకారిణి, పద్మవిభూషణ్ అవార్డు గ్రహీత మృణాళిని సారాభాయ్ (97) గురువారం ఉదయం కన్నుమూశారు. భారత అంతరిక్ష పరిశోధన కార్యక్రమాల పితామహుడు డాక్టర్ విక్రమ్ సారాభాయ్ సతీమణే మృణాళిని. వయోభారంతో అస్వస్థతకు గురైన మృణాళిని బుధవారం నగరంలోని ఓ ఆసుప్రతిలో చేరారు. ఆసుపత్రిలోనే గురువారం తెల్లవారుజామున తుదిశ్వాస విడిచారు.

హైదరాబాద్, జనవరి 21: గ్రేటర్ హైదరాబాద్ మున్సిపల్ కార్పొరేషన్ ఎన్నికలు టిఆర్‌ఎస్, మజ్లిస్ పార్టీ మినహా కాంగ్రెస్, తెలుగు దేశం పార్టీ, బిజెపిల్లో ఆగ్రహాజ్వాలలు రగిల్చింది. నామినేషన్ల ఉపసంహరణకు చివరి రోజైన గురువారం ఆందోళనలు, నిరసనలు, ధర్నాలతో పార్టీ కార్యాలయాలు అట్టుడుకాయి. టిక్కెట్లు రాని ఆశావాహులు ఆందోళనలకు దిగి నేతలపై కనె్నర్ర చేశారు.

హైదరాబాద్, జనవరి 21: హైదరాబాద్ సెంట్రల్ యూనివర్శిటీకి చెందిన పరిశోధక విద్యార్థి రోహిత్ వేముల ఆత్మహత్య సంఘటనపై దేశ వ్యాప్తంగా కొనసాగుతున్న ఆందోళనల నేపథ్యంలో యూనివర్శిటీ ఎగ్జిక్యూటివ్ కమిటీ దిగివచ్చింది. గురువారం నలుగురు విద్యార్థులపై సస్పెన్షన్‌ను ఎత్తివేసేందుకు పాలక మండలి సమావేశం నిర్ణయం తీసుకుంది.

హైదరాబాద్, జనవరి 21: విభజన అనంతరం ఆంధ్రప్రదేశ్, తెలంగాణ రాష్ట్రాల మధ్య ప్రధాన సమస్యగా మారిన గోదావరి జలాల వినియోగంపై గురువారం హైదరాబాద్‌లో జరిగిన గోదావరి నదీ యాజమాన్య బోర్డు సమావేశం వాడిగా, వేడిగా జరిగింది. బోర్డు చైర్మన్ రామ్‌శరణ్ అధ్యక్షతన జలసౌధలో జరిగిన ఈ సమావేశంలో జలాల వినియోగంపై ఇరు రాష్ట్రాలు తమకున్న హక్కులు, అభ్యంతరాలను వ్యక్తం చేశాయి.