నాగార్జునసాగర్, ఏప్రిల్ 15: నల్లగొండ జిల్లా తిరుమలగిరి సాగర్ మండలంలోని నాయకునితండలో టీఆర్‌ఎస్, కాంగ్రెస్ కార్యకర్తల మధ్య ఘర్షణ జరిగి, ఇరువర్గాలు ఒకరిపై ఒకరు రాళ్లు, నాటు బాంబులు రువ్వుకోవడంతో గ్రామంలోని 30 గృహాలు ధ్వంసమైనాయి. గ్రామస్థుల, పోలీసుల కథనం ప్రకారం గత సర్పంచ్ ఎన్నికలలో కాంగ్రెస్ తరపున పోటీ చేసిన మేరావత్ కొండానాయక్ గెలుపొందారు.

తాండూరు, ఏప్రిల్ 15: తాండూరు డివిజన్ యాలాల మండలం దౌలాపూర్ గ్రామ సమీపంలో అంతరాష్ట్ర రహదారిపై సోమవారం సాయంత్రం జరిగిన ఘోర రోడ్డు ప్రమాదంలో నలుగురు అక్కడిక్కడే మృతిచెందారు. తాండూరు డీఎస్పీ ఎం.రామచంద్రుడు, రూరల్ సర్కిల్ సీఐ జే.ఉపేందర్, యాలాల ఎస్సై విఠల్ రెడ్డి సమాచారం మేరకు వివరాలు ఇలా ఉన్నాయి. యాలాల మండలం జుంటుపల్లి నుంచి తాండూరుకు వస్తున్న ఆటోను మహబూబ్‌నగర్ వైపు వెళ్తున్న లారీ ఢీకొట్టింది.

హైదరాబాద్, ఏప్రిల్ 15: బ్యాంకు నుండి 8 కోట్ల రూపాయిలు విత్‌డ్రా చేసి తీసుకువెళ్తుండగా దొరికిపోయిన ఘటనలో తెలంగాణ బీజేపీ నేతలపై తీసుకున్న చర్యలు ఏమిటో వివరించాలని రాష్ట్ర హైకోర్టు సోమవారం నాడు ఎన్నికల కమిషన్‌ను ఆదేశించింది. అదే విధంగా పార్టీ గుర్తుతో ఓటర్ల స్లిప్‌లను పంచడంపై కూడా వివరణ ఇవ్వాలని ఎన్నికల కమిషన్‌ను హైకోర్టు ఆదేశించింది.

న్యూఢిల్లీ, ఏప్రిల్ 15: శారదా చిట్ ఫండ్ కేసులో బీజేపీ నేతల కుట్రల కారణంగానే సీబీఐ తనను టార్గెట్ చేసిందని కోల్‌కత్తా మాజీ పోలీసు కమిషనర్ రాజీవ్ కుమార్ సుప్రీంకోర్టులో స్పష్టం చేశారు. ఈ విస్తృత కుట్రలో బీజేపీ నేతలైన ముకుల్‌రాయ్, కైలాష్, విజయ్‌వార్ఘీయలకు సంబంధం ఉందని సుప్రీంకోర్టులో దాఖలు చేసిన అఫిడవిట్‌లో కుమార్ వెల్లడించారు. ఇందుకు సంబంధించి వీడియో సాక్ష్యాలను కూడా ఆయన కోర్టుకు అందించారు.