విజయవాడ (క్రైం), ఏప్రిల్ 13: సుమశ్రీ మృతి కేసు మళ్లీ తెర పైకి వచ్చింది. మాజీ భర్త మాదంశెట్టి శివకుమార్ తనకు అన్యాయం చేయడంతో పాటు కుమార్తె సాయిశ్రీ మరణానికి కారకుడయ్యాడని, ఈ వ్యవహారంలో సెంట్రల్ ఎమ్మెల్యే బొండా ఉమామహేశ్వరరావు ప్రమేయం ఉందని ముందునుంచీ ఆరోపిస్తూ వస్తున్న సుమశ్రీ తాజాగా హైకోర్టును ఆశ్రయించటంతో అత్యున్నత న్యాయస్థానం ఆదేశాల మేరకు సూర్యారావుపేట పోలీసులు శనివారం కేసు నమోదు చేశారు.

షాబాద్, ఏప్రిల్ 13: కారు బోల్తా ఘటనలో చికిత్స పొందుతూ చిన్నారి మృతిచెందింది. షాబాద్ ఎస్సై రవి కుమార్ తెలిపిన వివరాల ప్రకారం శుక్రవారం కారు బోల్తా పడిన సంఘటనలో షాబాద్ గ్రామానికి చెందిన దొండ్ర శ్రీనివాస్ (రాము) పెద్ద కూతురు శ్రద్దాక్షి(3) తీవ్ర గాయాలు కావడంతో నగరంలోని ప్రైవేట్ ఆసుపత్రికి తరలించారు. చికిత్స పొందుతూ శనివారం మృతి చెందింది.

హైదరాబాద్: రాయదుర్గం పరిధి చిత్రపురి కాలనీ ఎల్‌ఐజీలో విషాదం చోటుచేసుకుంది. ఇంటర్ మొదటి సంవత్సరం చదువుతున్న హిందూశ్రీ అనే విద్యార్థి ఆత్మహత్య చేసుకుంది. అపార్ట్‌మెంట్‌లోని నాలుగవ అంతస్తు నుంచి దూకి ఆత్మహత్య చేసుకుంది. పోస్టుమార్టమ్ నిమిత్తం మృతదేహాన్ని గాంధీ అసుపత్రికి తరలించారు.

వికారాబాద్, ఏప్రిల్ 12: పొలంలో మేక మేత మేసిందని ఓ యువకుడిని హత్య చేసిన సంఘటన ధారూరు పోలీస్‌స్టేషన్ పరిధిలో శుక్రవారం చోటు చేసుకుంది. పోలీసులు, స్థానికులు తెలిపిన వివరాల ప్రకారం.. ధారూరు మండలం ధర్మాపూర్ గ్రామానికి చెందిన బుద్ద నరేశ్(21), అదే గ్రామానికి చెందిన అశోక్ పొలాలు పక్కపక్కనే ఉన్నాయి. శుక్రవారం ఉదయం నరేశ్ తనకున్న ఎద్దులను, మేకను మేత మేపేందుకు పొలానికి వెళ్లాడు.