న్యూఢిల్లీ: కేంద్ర ప్రభుత్వ సర్వీసులు, ఉద్యోగాల్లో రిజర్వేషన్లు, విద్యా సంస్థల రిజర్వేషన్ల కల్పనకు వీలుగా ఇతర వెనుకబడిన కులాల (ఓబిసి) క్రీమీలేయర్ పరిమితిని ఆరు లక్షల నుండి ఎనిమిది లక్షల రూపాయలకు పెంచుతూ ప్రధాని నరేంద్ర మోదీ సారథ్యంలోని ఎన్డీయే సర్కార్ బుధవారం విప్లవాత్మక నిర్ణయం తీసుకుంది.

చెన్నై, ఆగస్టు 22: అన్నాడిఎంకెలో రెండు గ్రూపులు విలీనం కావడంపై పార్టీ ఉప ప్రధాన కార్యదర్శి టిటివి దినకరన్ స్పందించారు. ముఖ్యమంత్రి పళనిస్వామి, ఓ పన్నీర్ సెల్వం ఇద్దరూ అన్నాడిఎంకె ప్రధాన కార్యదర్శి శశికళను మోసం చేశారని ఆయన తీవ్ర ఆరోపణ చేశారు. పళని, పన్నీరులపై తీవ్ర విమర్శలు చేస్తూ దినకరన్ వరుస ట్వీట్లు చేశారు. వారిద్దరూ నమ్మక ద్రోహానికి పాల్పడ్డారని టిటివి ధ్వజమెత్తారు.

లక్నో, ఆగస్టు 22: ట్రిపుల్ తలాఖ్‌పై సుప్రీం కోర్టు ఇచ్చిన తీర్పుపై అఖిల భారత ముస్లిం పర్సనల్ లా బోర్డు (ఏఐఎంపిఎల్‌బి) తన భవిష్యత్తు కార్యాచరణను భోపాల్‌లో సెప్టెంబర్ 10న రూపొందించుకోనుంది. ఇంతకు ముందే బోర్డు కార్యవర్గ సమావేశం నిర్ణయించినప్పటికీ అజెండాను మాత్రం ఈ రోజు విడుదల చేసినట్లు బోర్డు కార్యవర్గ సభ్యుడు జఫర్యాబ్ జిలానీ చెప్పారు.

న్యూఢిల్లీ, ఆగస్టు 22: దేశంలో ఉగ్రవాద సంస్థలకు నిధులు సమకూర్చటానికి, మనీ లాండరింగ్ వంటి వ్యవహారాలకు పైరసీ, కాపీరైట్ చట్టాల ఉల్లంఘన కూడా ప్రధాన వనరులుగా మారుతున్నాయని కేంద్రమ హోంమంత్రి రాజ్‌నాథ్‌సింగ్ అన్నారు. దేశంలో అన్ని పోలీసు శిక్షణా కళాశాలల్లో మేధో సంపన్న హక్కుల (ఐపిఆర్)కు సంబంధించి ప్రత్యేక కోర్సును మంగళవారం ప్రకటించిన సందర్భంగా రాజ్‌నాథ్ ప్రసంగించారు.