డెహ్రాడూన్, డిసెంబర్ 27: ఉత్తరాఖండ్‌ను అభివృద్ధిలో అత్యున్నత శిఖరాలకు తీసుకెళ్లడం ద్వారా ఉపాధి అవకాశాలు లేక ఇక్కడి యువత వేరే రాష్ట్రాలకు వెళ్లకుండా చేయాలన్నదే తన లక్ష్యమని ప్రధాని నరేంద్ర మోదీ చెప్పారు. మంగళవారం ఆయన 12,000 కోట్ల రూపాయల వ్యయంతో చేపడుతున్న చార్‌ధామ్ హైవే అభివృద్ధి ప్రాజెక్టుకు శంకుస్థాపన చేసిన అనంతరం ఇక్కడి పరేడ్ మైదానంలో ఏర్పాటు చేసిన పరివర్తన్ మహార్యాలీలో ప్రసంగించారు.

పనాజి, డిసెంబర్ 27: పనాజి విమానాశ్రయంలో మంగళవారం తెల్లవారుజామున 161 మందితో ముంబయి వెళుతున్న జెట్ ఎయిర్‌వేస్‌కు చెందిన బోయింగ్ విమానానికి ఘోర ప్రమాదం తప్పింది. 154 మంది ప్రయాణికులు, ఏడుగురు సిబ్బందితో ముంబయి వెళ్తున్న ఈ విమానం తెల్లవారుజామున 5 గంటల సమయంలో టేకాఫ్ అవుతుండగా ముందు చక్రం అదుపు తప్పి 360 డిగ్రీల కోణంలో గింగిరాలు తిరుగుతూ రన్‌వేనుంచి జారి మట్టిలోకి దిగబడింది.

చెన్నై, డిసెంబర్ 27: తమిళనాడు ప్రభుత్వ ప్రధాన కార్యదర్శిగా ఇంకా తానే కొనసాగుతున్నానని, తనకు ఇంత వరకూ బదిలీ ఉత్తర్వులు జారీ కాలేదని బర్త్ఫ్‌క్రు గురైన పి.రామమోహన రావు స్పష్టం చేశారు. తన ఇంటిపై జరిగిన ఆదాయం పన్ను దాడులను ఓ ఉన్నతాధికారి కార్యాలయంపై జరిగిన దాడిని రాజ్యాంగ ఉల్లంఘనగా ఆయన అభివర్ణించారు.

న్యూఢిల్లీ, డిసెంబర్ 26: ప్రతిష్ఠాత్మక పోలవరం ప్రాజెక్టు నిర్మాణంలో ప్రధాని నరేంద్రమోదీ, ఏపీ ముఖ్యమంత్రి చంద్రబాబు పేర్లు చరిత్రలో నిలిచిపోతాయని కేంద్ర పట్టణాభివృద్ది శాఖ మంత్రి వెంకయ్యనాయుడు అన్నారు. సోమవారం నాడు ఢిల్లీలో జరిగిన కార్యక్రమంలో పోలవరం నిర్మాణానికి నాబార్డు రుణాన్ని చెక్కు రూపంలో కేంద్రమంత్రి ఆరుణ్‌జైట్లీ ముఖ్యమంత్రి చంద్రబాబుకు అందజేశారు.