న్యూఢిల్లీ, డిసెంబర్ 30 : కాంగ్రెస్ ఉపాధ్యక్షుడు రాహుల్ గాంధీ మరోసారి ప్రధాని నరేంద్ర మోదీపై విరుచుకుపడ్డారు. గతంలో చేసిన ఐదు ప్రశ్నలనే రాహుల్ సంధించారు. రాహుల్ గాంధీ వారం రోజుల క్రితం మోదీకి ఇవే ప్రశ్నలు వేయటం తెలిసిందే.

గొడ్డా, డిసెంబర్ 30: జార్ఖండ్‌లోని రాజ్‌మహల్ ప్రాంతంలో ఈస్ట్రన్ కోల్‌ఫీల్డ్‌కు చెందిన లాల్‌మాటియా ఓపెన్‌కాస్ట్ బొగ్గు గని గురువారం రాత్రి కుప్పకూలిపోవడంతో కనీసం 9 మంది గని కార్మికులు చనిపోగా, మరికొంతమంది గనిలోపల చిక్కుకు పోయి ఉన్నట్లు భయపడుతున్నారు.

ముంబయి, డిసెంబర్ 30: వివాదాస్పద ఇస్లాం మతబోధకుడు జకీర్ నాయక్‌పై ఎన్‌ఫోర్స్‌మెంట్ డైరెక్టరేట్ క్రిమినల్ కేసు నమోదు చేసింది. యువతను ఉగ్రవాదంవైపుప్రోత్సహిస్తున్నారన్న ఆరోపణలు ఎదుర్కొంటున్న నాయక్ విదేశాల్లో తలదాచుకుంటున్న విషయం తెలిసిందే. ఇడి తాజాగా మనీలాండరింగ్ చట్టం కింద ఆయనపై క్రిమినల్ కేసు నమోదు చేసింది. ముంబయిలోని జోనల్ ఆఫీసు జకీర్ నాయక్‌పై కేసు నమోదు చేసినట్టు సంబంధిత వర్గాలు వెల్లడించాయి.

తిరువనంతపురం, డిసెంబర్ 29: విభేదించే, వివాదించే, సందేహించే స్వేచ్ఛను పరిరక్షించాలని రాష్టప్రతి ప్రణబ్ ముఖర్జీ పిలుపునిచ్చారు. ప్రతికూల అభిప్రాయం వ్యక్తం చేసినంతమాత్రాన ఆగ్రహించడం అన్నది దురదృష్టకర పరిణామమని ఆయన విచారం వ్యక్తం చేశారు. అంతేకాదు తన వాదనను సమర్థించుకోవడం కోసం చరిత్రను వక్రీకరించడం, లేదా వాస్తవంతో రాజీపడే ధోరణులు దేశ భక్తి అనిపించుకోదని కూడా ఆయన స్పష్టం చేశారు.