S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

04/11/2016 - 07:19

గౌహతి/కోల్‌కతా, ఏప్రిల్ 10: అసోంలో చివరి విడత, పశ్చిమ బెంగాల్‌లో రెండో విడత పోలింగ్‌ను సోమవారం నిర్వహించడానికి అన్ని ఏర్పాట్లు పూర్తయ్యాయి. రిగ్గింగ్ తదితర అక్రమాలు చోటుచేసుకోకుండా ఎన్నికల అధికారులు పకడ్బందీ ఏర్పాట్లు చేశారు. అసోంలోని 61 నియోజకవర్గాలలో మొత్తం 525 మంది అభ్యర్థులు బరిలో నిలిచారు. ఇక్కడ అధికార కాంగ్రెస్, బిజెపి-ఎజిపి-బిపిఎఫ్ కూటమి, ఎఐయుడిఎఫ్ మధ్య త్రిముఖ పోటీ నెలకొంది.

04/11/2016 - 07:18

న్యూఢిల్లీ, ఏప్రిల్ 10: దేశంలోని అన్ని హైకోర్టుల ప్రధాన న్యాయమూర్తుల పదవీకాలాన్ని ఇకపై ప్రభుత్వం నిర్ణయించదు. ఈ అంశంపై చాలాకాలంగా చర్చలు జరిపిన తరువాత కేంద్ర ప్రభుత్వం ఆదివారం ఈ నిర్ణయం తీసుకుంది. హైకోర్టు ప్రధాన న్యాయమూర్తి పదవీకాలాన్ని ఏడాదిపాటు పరిమితం చేస్తూ సిపార్సు చేసే విధానానికి ప్రభుత్వం స్వస్తి పలకనుంది.

04/11/2016 - 07:17

కొల్లాం, ఏప్రిల్ 10: పుట్టింగల్ ఆలయంలో సంభవించిన ప్రమాదాన్ని ఊహించశక్యం కానిదిగా పేర్కొన్న ప్రధాని నరేంద్ర మోదీ ఈ క్లిష్టసమయంలో రాష్ట్ర ప్రభుత్వానికి, రాష్ట్ర ప్రజలకు అన్నివిధాల సాయం అందిస్తామని హామీ ఇచ్చారు. ఢిల్లీనుంచి ప్రత్యేక విమానంలో ఇక్కడికి వచ్చిన ప్రధాని మోదీ ప్రమాదం జరిగిన స్థలాన్ని, అనంతరం క్షతగాత్రులు చికిత్స పొందుతున్న కొల్లాం జిల్లా ఆస్పత్రిని సందర్శించారు.

04/11/2016 - 05:55

383మందికి తీవ్ర గాయాలు పుట్టింగల్ దేవి ఉత్సవాల్లో పెను విషాదం
అగ్నికీలలు సృష్టించిన బాణసంచా నిప్పురవ్వలు పడి గోడౌన్‌లోనూ విస్ఫోటనాలు
పెనువిపత్తును సృష్టించిన ఆనందం మృతుల కుటుంబాలకు కేంద్ర రాష్ట్రాల 12లక్షల సాయం

04/11/2016 - 05:45

న్యూఢిల్లీ, ఏప్రిల్ 10:ఢిల్లీ, హిమాచల్, హర్యానా, జమ్ము,కాశ్మీర్ సహా ఉత్తర భారతంలోని అనేక ప్రాంతాలు భూ ప్రకంపనలకు గురయ్యాయి. అఫ్గానిస్తాన్‌లోని పర్వతమయ హిందుకుష్ కేంద్రంగా ఆదివారం రిక్టర్ స్కేలుపై 6.6 పాయింట్ల తీవ్రతతో భూకంపం సంభవించింది. భూ ఉపరితలానికి 210కిలోమీటర్ల లోతులో భూకంప కేంద్రం ఉన్నట్టుగా నిర్థారించారు. పాకిస్తాన్‌లోని అనేక ప్రాంతాలూ ప్రకంపనల తాకిడికి గురయ్యాయి.

04/10/2016 - 18:17

కొల్లం:అగ్నిప్రమాదం జరిగిన పుట్టింగల్ ఆలయాన్ని ఏఐసిసి నేత రాహుల్‌గాంధీ సందర్శించారు. కొల్లం చేరుకున్న ఆయన బాధితులను పరామర్శించారు. ప్రమాదం జరిగిన తీరు, నష్టంపై వివరాలు అడిగి తెలుసుకున్నారు.

04/10/2016 - 18:17

న్యూదిల్లి:జనతాదళ్ (యునైటెడ్) జాతీయ అధ్యక్షుడిగా బిహార్ ముఖ్యమంత్రి నితీశ్‌కుమార్ ఎన్నికయ్యారు. దిల్లీలో ఆదివారం జరిగిన పార్టీ విస్తృత సమావేశంలో ఆయనను ఏకగ్రీవంగా ఎన్నుకున్నారు. ఇప్పటివరకు పార్టీ అధ్యక్షునిగా మూడుసార్లు బాధ్యతలు నిర్వహించిన శరద్‌యాదవ్ నాలుగోసారి అందుకు నిరాకరించడంతో నితీశ్‌కు పగ్గాలు అందించారు.

04/10/2016 - 18:15

తిరువనంతపురం:కేరళలోని పుట్టింగల్ ఆలయంలో జరిగిన అగ్నిప్రమాదంపై రాష్టప్రతి ప్రణబ్ ముఖర్జీ తీవ్ర దిగ్భ్రాంతి వ్యక్తం చేశారు. బాధితులకు సంతాపం వ్యక్తం చేశారు. కాగా తిరువనంతపురం ఆస్ప్రతి లో చికిత్స పొందుతున్న క్షతగాత్రులను బిజెపి జాతీయ అధ్యక్షుడు అమిత్‌షా పరామర్శించారు. జాతియావత్తు కేరళకు అండగా నిలవాలని పిలుపునిచ్చారు.

04/10/2016 - 18:14

కొల్లం:పుట్టింగల్ ఆలయంలో ప్రమాదం అనంతరం సహాయక చర్యలు ముమ్మరం చేశారు. త్రివిధ దళాలకు చెందిన సైనికులు, అధికారులు, వైద్యసిబ్బంది హుటాహుటిని చేరుకుని సేవలు అందిస్తున్నారు. ఆరు హెలికాప్టర్లు, రెండు విమానాల్లో మందులు, వైద్యులను తరలించి క్షతగాత్రులకు చికిత్స మొదలుపెట్టారు. శిథిలాల తొలగింపు మొదలైంది. ప్రమాదం జరిగినప్పుడు పదివేలమంది భక్తులు ఆలయ పరిసరాల్లో ఉన్నట్లు తెలుస్తోంది.

04/10/2016 - 18:14

కొల్లం:కేరళలో భారీ అగ్నిప్రమాదానికి గురైన పుట్టింగల్ ఆలయాన్ని ప్రధానమంత్రి నరేంద్రమోదీ సందర్శించారు. ప్రమాద వివరాలను అడిగి తెలుసుకున్నారు. ఆయన వెంట కేరళ ముఖ్యమంత్రి ఊమెన్ చాంది ఉన్నారు. ప్రమాదవార్త తెలిసిన వెంటనే మోదీ తీవ్ర దిగ్భ్రాంతి వ్యక్తం చేసి అప్పటికప్పుడు బయలుదేరి వచ్చారు. పుట్టింగల్‌లో జరిగిన విధ్వంసాన్ని చూశారు. బాధితులను ఓదార్చారు.

Pages