న్యూఢిల్లీ: దసరా పండుగ సందర్భంగా రైల్వే ఉద్యోగులకు కేంద్ర ప్రభుత్వం బోనస్ ప్రకటించింది. ఈ ఏడాది కూడా 78 రోజులకు బోనస్ ఇవ్వనున్నట్లు కేంద్ర మంత్రి రవిశంకర్ ప్రసాద్ తెలిపారు. నాన్ గెజిటెడ్ ఉద్యోగులకు మాత్రమే ఈ బోనస్ లభించనున్నది. దీని కింద ఉద్యోగులు తమ వేతనంతో పాటు అదనంగా 18 వేల రూపాయలు పొందనున్నారు.

న్యూఢిల్లీ: కేంద్ర విదేశాంగ సహాయ మంత్రి ఎంజే అక్బర్ తనపై వచ్చిన లైంగిక ఆరోపణలపై వివరణ ఇవ్వాలని మాజీ కేంద్రమంత్రి జైపాల్ రెడ్డి డిమాండ్ చేశారు. బుధవారంనాడు ఆయన ఢిల్లీలో మీడియాతో మాట్లాడుతూ ప్రియారమణి అనే జర్నలిస్ట్ చేసిన ఆరోపణలపై కేంద్రమంత్రి స్పందించాలని ఆయన ప్రశ్నించారు. మహిళా జర్నలిస్ట్ చేసిన ఆరోపణలపై కేంద్ర ప్రభుత్వం దర్యాప్తు చేయాలని కోరారు.

న్యూఢిల్లీ: ఫ్రాన్స్‌తో జరిగిన రాఫెల్ యుద్ధ విమానాల కొనుగోలు ఏ పద్ధతిలో నిర్ణయం తీసుకున్నారో చెప్పాలని కోర్టు సుప్రీంకోర్టు కేంద్రాన్ని ఆదేశించింది. అయితే రాఫెల్ విమానాల ధరలు కానీ, వాటి సాంకేతిక అంశాలు తమకు అవసరం లేదని కోర్టు స్పష్టం చేసింది. అక్టోబర్ 29వ తేదీలోగా ఆ సమాచారాన్ని ఇవ్వాలని కోర్టు పేర్కొన్నది. రాఫెల్ అంశంపై మళ్లీ అక్టోబర్ 31వ తేదీన సుప్రీం విచారించనున్నది.

విశాఖపట్నం: కోస్తా తీరంలో తుపాను ముప్పు ముంచుకువస్తుంది. అలలు ఎగిసిపడుతున్నాయి. వాయుగుండం తితిలీ తుపాను గా మారుతుండటంతో అధికారులు సైతం అప్రమత్తమయ్యారు. ఒడిస్సా, చెన్నై, ఏపీ కోస్తా తీరంలో రెడ్ అలెర్ట్ ప్రకటించారు. ప్రస్తుతం విశాఖపట్నం, విజయనగరం, శ్రీకాకుళం జిల్లాల్లో భారీ వర్షాలు కురుస్తున్నాయి.