న్యూఢిల్లీ, అక్టోబర్ 11: బంగ్లాదేశ్‌లోని పాకిస్తాన్ హై కమిషన్ అధికారులు బంగ్లాదేశ్, భారత్‌లపై దాడులకు వ్యూహాలు సిద్ధం చేస్తోందని భారత్ నిఘావర్గాలు హెచ్చరించాయి. ఢాకాలోని హై కమిషన్ ఆధ్వర్యంలో బంగ్లాదేశ్, భారత్‌లోని పశ్చిమబెంగాల్‌పై దాడులకు రంగం సిద్ధమవుతోంది.

ఇస్లామాబాద్, అక్టోబర్ 11: రాజద్రోహం కేసులో కోర్టు ఎదుట వెంటనే హాజరు కావాలని సుప్రీంకోర్టు ప్రధాన న్యాయమూర్తి జస్టిస్ సకీబ్ నిసార్ మాజీ మిలిటరీ నియంత, దేశాధ్యక్షుడు పర్వేజ్ ముషార్రఫ్‌ను ఆదేశించారు. పాకిస్తాన్‌లో మంచి డాక్టర్లు ఉన్నారని ఇక్కడ వైద్యం లభిస్తుందని ఆయన పేర్కొన్నారు. 2016 నుంచి ముషార్రఫ్ దుబాయ్‌లో ప్రవాస జీవితాన్ని గడుపుతున్నారు.

తిరువనంతపురం, అక్టోబర్ 11: అన్ని వయసుల మహిళలకు శబరిమలలోని అయ్యప్పస్వామి ఆలయాన్ని దర్శించుకోవడానికి అనుమతినిస్తూ సుప్రీం ఇటీవల వెలువరించిన తీర్పును కేరళకు చెందిన ముస్లిం మహిళా హక్కుల సంస్థ స్ఫూర్తిగా తీసుకుంది. దేశంలోని అన్ని మసీదుల్లో ప్రార్థనలు నిర్వహించడానికి ముస్లిం మహిళలకు అనుమతి ఇస్తూ, ప్రవేశానికి అనుమతి కల్పించాలని కోరుతూ నిసా అనే ప్రోగ్రెసివ్ ఉమెన్ ఫోరం సుప్రీంను ఆశ్రయించనుంది.

న్యూఢిల్లీ: ప్రధాని మోదీ అవినీతిపరుడని, ఆయనపై దర్యాప్తు చేయాలని కాంగ్రెస్ పార్టీ జాతీయ అధ్యక్షుడు రాహుల్ గాంధీ అన్నారు. రాఫెల్ యుద్ధ విమానాల కొనుగోలు ఒప్పందంపై రాహుల్ తీవ్ర ఆరోపణలు చేశారు. ఇది పక్కా అవినీతి కేసు అని అన్నారు. గురువారంనాడు మీడియా సమావేశంలో మాట్లాడుతూ ప్రధాని మోదీ అవినీతిపై ప్రచారం చేయటం బాధాకరమని అన్నారు.