హైదరాబాద్, అక్టోబర్ 9: తెలంగాణ రాష్ట్ర సమితిని మరింత బలోపేతం చేసే దిశగా రాష్ట్ర కొత్త కార్యవర్గాన్ని పార్టీ అధినేత కె చంద్రశేఖర్‌రావు సోమవారం ప్రకటించారు. పార్టీ క్షేత్రస్థాయి పరితీరుపై ఎప్పటికప్పుడు పరిశీలన జరిపేందుకు వీలుగానూ కార్యవర్గానికి బాధ్యతలు అప్పగించారు. తొలుత కార్యవర్గంలో 69మందికి చోటు కల్పించాలని అనుకున్నా 67మందితో కార్యవర్గాన్ని ప్రకటించారు.

అనంతపురం, అక్టోబర్ 9: ఊహించని రీతిలో కురిసిన కుంభవృష్టి అనంతపురం జిల్లాను అతలాకుతలం చేసింది. కుండపోత వర్షంతో అనంతపురం నగరం తడిసి ముద్దయింది. జిల్లా వ్యాప్తంగా ఆదివారం అర్ధరాత్రి ఓ మోస్తరు నుంచి భారీ వర్షాలు కురిశాయి. అనంతపురం నగరంలో అర్ధరాత్రి నుంచి ఉదయం వరకు కుండపోత వాన కురిసింది. దీంతో నగరంగుండా వెళ్లే వాగులు, వంకలు పొంగిపొర్లాయి. ఫలితంగా నీరంతా కాలనీల్లోకి ఇళ్లలోకి చేరింది.

విశాఖపట్నం, అక్టోబర్ 9: ప్రపంచంలోనే ఆంధ్ర నాలెడ్జ్ హబ్‌గా రూపుదిద్దుకోబోతుందని సిఎం చంద్రబాబు అన్నారు. సోమవారం బ్లాక్‌చైన్ బిజినెస్ కాన్ఫరెన్స్‌ను ప్రారంభించిన సందర్భంలో మాట్లాడుతూ ప్రస్తుతం నాలుగో పారిశ్రామిక విప్లవం పరుగులు తీస్తోందని, ఇందులో భాగమే ఇంటర్‌నెట్ ఆఫ్ థింగ్స్ అన్నారు. ఆధునిక సాంకేతికత ఆధారంగా రియల్‌టైం గవర్నెన్స్‌ను తమ ప్రభుత్వం అందిస్తోందని, దీనివలన పాలన సరళతరమైందన్నారు.

శ్రీశైలం, అక్టోబర్ 8: శ్రీశైలం జలాశయంలోకి చేరుతున్న వరద నీటి ప్రవాహం ఆదివారం కొంతమేరకు పెరిగినట్లు డ్యాం అధికారులు తెలిపారు. ఇక జలాశయం పూర్తి స్థాయి నీటి మట్టం 885 అడుగులు కాగా ఆదివారం సాయంత్రం సమయానికి 882.8 అడుగులకు చేరుకుంది. పూర్తిస్థాయి నీటి నిల్వ సామర్థ్యం 215 టిఎంసిలు కాగా ప్రస్తుతం 203.4290 టిఎంసిలుగా నమోదైంది.