హైదరాబాద్, అక్టోబర్ 11: అమెరికా అట్లాంటలోని 50 విశ్వవిద్యాలయాలు భారతీయ విద్యార్థులపై ఆసక్తి చూపుతున్నాయి. తమ వర్శిటీల్లో ఆఫర్ చేస్తున్న కోర్సుల్లో చేరేందుకు , పరస్పర భాగస్వామ్యంగా ఎక్స్చేంజి కార్యక్రమం నిర్వహించేందుకు అట్లాంటా నుండి వచ్చిన ప్రతినిధి బృందం తెలంగాణ ఉన్నత విద్యామండలిని కోరింది.

శ్రీశైలం, అక్టోబర్ 11: శ్రీశైల జలాశయం పూర్తిగా నిండింది. ఎగువ ప్రాంతాల నుంచి భారీగా వరద రావడంతో బుధవారం రాత్రికి 884.50 అడుగులకు చేరుకుంది. జలాశయం పూర్తిస్థాయి నీటిమట్టం 885 అడుగులు. పూర్తిస్థాయి నీటి నిల్వ సామర్థ్యం 215 టిఎంసిలు కాగా, ప్రస్తుతం 211.95 టిఎంసిల నీరు నిల్వ ఉంది. ఎగువ నుంచి 1,47,340 క్యూసెక్కుల నీరు జలాశయానికి వచ్చి చేరుతోంది.

తిరుపతి, అక్టోబర్ 11: శ్రీవారి ఆలయ మహాద్వారం వద్ద ఉన్న క్యూలైన్‌లలో గ్రిల్స్‌కు విద్యుత్ సరఫరా అయి షాక్ కొడుతోందని భక్తులు ఆందోళన చెందిన సంఘటన బుధవారం జరిగింది. ఈక్రమంలో భక్తులు ఒత్తిడికి గురికావడంతో కొంత తోపులాట తలెత్తింది. తోపులాటలో తమిళనాడుకు చెందిన చిన్నారి చేతికి గాయమైంది. వెంటనే చిన్నారిని స్థానిక అశ్విని ఆసుపత్రికి తరలించి చికిత్స చేయించారు.

హైదరాబాద్, అక్టోబర్ 11: రాష్ట్ర రాజధాని హైదరాబాద్ మరో అంతర్జాతీయ సదస్సుకు వేదిక కాబోతోంది. నవంబర్ 28 నుండి మూడు రోజుల పాటు అంతర్జాతీయ ఔత్సాహిక పారిశ్రామిక శిఖరాగ్ర సదస్సు (జిఇఎస్) హైదరాబాద్‌లో జరగనుంది.