హైదరాబాద్, అక్టోబర్ 5: సమాజంలో పన్ను ఎగవేసే విధానం పోవాలని, ప్రతి ఒక్కరూ పన్ను చెల్లించే అంశంలో బాధ్యతాయుతంగా వ్యవహరించాలని గవర్నర్ ఇఎస్‌ఎల్ నరసింహన్ పేర్కొన్నారు. ‘జిఎస్‌టి ధర గుర్తింపు’ తెలుగు విభాగం మొబైల్ యాప్‌ను గురువారం రాజ్‌భవన్‌లో ప్రారంభిస్తూ ప్రజాస్వామ్యంలో ప్రతి ఒక్కరికి బాధ్యతలతో పాటు హక్కులు ఉంటాయన్నారు. జిఎస్‌టి రేట్ ఫైండర్ యాప్ వల్ల పూర్తి వివరాలు ప్రజలకు తెలుస్తాయన్నారు.

హైదరాబాద్, అక్టోబర్ 5: రాష్ట్రంలో అతి పెద్ద ప్రభుత్వరంగ సంస్థ సింగరేణి కాలరీస్‌లో గుర్తింపు కార్మిక సంఘం కోసం గురువారం జరిగిన ఎన్నికల్లో అధికార టిఆర్‌ఎస్ అనుబంధ కార్మిక సంఘం తెలంగాణ బొగ్గుగని కార్మిక సంఘం విజయ బావుటా ఎగురవేసింది.

హైదరాబాద్, అక్టోబర్ 5: శ్రీశైలం ప్రాజెక్టులో నీటి నిల్వ రికార్డు స్ధాయిలో 200 టిఎంసికి చేరుకుంది. ఇదే వరద నీటి ప్రవాహం కొనసాగితే, మరో వారం రోజుల్లో పూర్తి స్ధాయి నీటి నిల్వ 215 టిఎంసికి చేరుకుంటుంది. మరో వైపు పోతిరెడ్డి పాడు ద్వారా నీటి తరలింపును నిలుపుదల చేయాలన్న కృష్ణాబోర్డు ఆదేశాన్ని ఆంధ్రప్రదేశ్ ప్రభుత్వం పట్టించుకోలేదని తెలంగాణ సాగునీటి ఇంజనీర్లు బోర్డుకు ఫిర్యాదు చేశారు.

విజయవాడ, అక్టోబర్ 5: రాష్ట్రంలో స్వచ్ఛ భారత్ కార్యక్రమంలో పాల్గొనే విద్యార్థులకు 5 శాతం మార్కులు ఇవ్వనున్నట్లు రాష్ట్ర పంచాయతీరాజ్ శాఖ మంత్రి నారా లోకేష్ వెల్లడించారు. వెలగపూడి సచివాలయంలో ఆయన పంచాయతీరాజ్, స్వచ్ఛ ఆంధ్ర కార్పొరేషన్ అధికారులతో గురువారం సమీక్ష సమావేశం నిర్వహించారు.