అనంతపురం, అక్టోబర్ 10: కడప జిల్లా ఇడుపులపాయ నుంచి శ్రీకాకుళం జిల్లా ఇచ్ఛాపురం వరకు నవంబర్ 2నుంచి పాదయాత్ర చేపడుతున్నట్లు వైకాపా అధినేత వైఎస్ జగన్మోహన్‌రెడ్డి తెలిపారు. అనంతపురంలో మంగళవారం నిర్వహించిన యువభేరిలో పాదయాత్ర వివరాలు, దాని ఉద్దేశ్యం వివరించారు. ఆరు నెలల పాటు రాష్ట్రంలోని అన్ని జిల్లాల మీదుగా సమారు 3 వేల కిలోమీటర్ల దూరం పాదయాత్ర సాగుతుందన్నారు.

అమరావతి, అక్టోబర్ 10: మీరెవరైనా హీరోలనుకుంటే జీరోలను చేయడం నాకు ఐదు నిమిషాల పని. ఒక రాష్ట్ర సీఎంకు ఎంత వరకూ మర్యాదలివ్వాలో అంతవరకే ఇవ్వాలి. అది నేనిచ్చాను. మరీ రాసుకుని పూసుకుంటే ఆ రాష్ట్రంలో ఉన్న మన పార్టీ శ్రేణులకు తప్పుడు సంకేతాలు వెళ్లవా. మీ వ్యక్తిగత ప్రవర్తన, వ్యవహారశైలికి సంబంధించిన జాతకాలన్నీ నా దగ్గర ఉన్నాయి.

కర్నూలు, అక్టోబర్ 10: కాస్త ఆలస్యంగానైనా ఎట్టకేలకు శ్రీశైలం జలాశయం నిండుకుండ దశకు చేరుకుంది. మట్టం పూర్తిస్థాయకి చేరడంతో గేట్లు ఎత్తేందుకు అధికారులు సన్నాహాలు చేశారు. జలాశయం నీటిమట్టం పూర్తిస్థాయికి చేరడంతో ఏ క్షణాన్నయినా గేట్లు ఎత్తి దిగువ నాగార్జునసాగర్‌కు నీరు విడుదల చేయనున్నారు.

ఒంగోలు, అక్టోబర్ 9: ప్రముఖ సినీ, నాటక రచయిత, నటుడు ఎం.వి.ఎస్ హరనాథరావు(69) గుండెపోటుతో సోమవారం ఒంగోలులోని తన స్వగృహంలో కన్ను మూశారు. గత కొంత కాలంగా ఆయన తీవ్ర అనారోగ్యంతో బాధపడుతున్నారు. ఆయన సోమవారం ఉదయం ఏడున్నర గంటల ప్రాంతంలో స్ధానిక దేవుడి చెరువు వద్ద ఉన్న తన సొంత ఇంటిలో అపస్మారక స్ధితిలోకి వెళ్లగా వెంటనే ఆయనను రిమ్స్‌కు తరలించారు.