హైదరాబాద్, నవంబర్ 11: విస్తృతమవుతున్న గేమింగ్ పరిశ్రమతో కొత్త కొలువులకు అవకాశం ఉందని, గేమింగ్ పరిశ్రమకు హైదరాబాద్‌లో ఉజ్వల భవిష్యత్ ఉందని ఐటి మంత్రి కె తారక రామారావు పేర్కొన్నారు. గేమింగ్ పరిశ్రమతో మరిన్ని ఉద్యోగావకాశాల కల్పనకు ప్రభుత్వం కృషి చేస్తోందన్నారు. త్వరలో టి- హబ్ రెండో దశ భవనాన్ని మూడువేల చదరపు అడుగులతో ఏర్పాటు చేయనున్నట్టు చెప్పారు.

అనంతపురం, నవంబర్ 10 : అనంతపురంలో జనసేన అధినేత పవన్‌కల్యాణ్ గురువారం నిర్వహించిన భారీ బహిరంగ సభ విజయవంతమైంది. కాకినాడలో నిర్వహించిన సభ స్ఫూర్తితో అనంతలో ఏర్పాటు చేసిన సభకు సైతం ప్రజలు, అభిమానులు, యువత పెద్దఎత్తున తరలివచ్చారు. సుమారు 50వేల మందికి పైగానే హాజరై ఉండొచ్చని నిర్వాహకులు అంచనా వేశారు.

హైదరాబాద్, నవంబర్ 9: టోల్ ప్లాజాల్లో ఈ నెల 11వ తేదీ అర్థరాత్రి వరకూ టాక్స్ చెల్లించాల్సిన అవసరం లేదు. ప్రధాని నరేంద్ర మోదీ 500, వెయ్యి రూపాయల నోట్లను మంగళవారం అర్థరాత్రి నుంచి రద్దు చేస్తున్నట్లు ప్రకటించడంతో దేశవ్యాప్తంగా అనేకచోట్ల టోల్ ప్లాజాల్లో ఈ నోట్లను తీసుకోవడం లేదు. దీంతో ఎక్కడికక్కడ ట్రాఫిక్ కిలోమీటర్ల మేర నిలిచిపోతోంది.

హైదరాబాద్, నవంబర్ 9: దేశంలో 500, 1000 రూపాయల నోట్లను రద్దు చేయడంపై దాఖలైన పిటిషన్‌ను విచారణకు హైకోర్టు స్వీకరించింది. న్యాయవాదులు కె శ్రీనివాస్, పివి కృష్ణయ్య ఈ పిటిషన్‌ను దాఖలు చేశారు. బుధవారం హైకోర్టు ధర్మాసనం ఎదుట ఈ అంశాన్ని న్యాయవాది పివి కృష్ణయ్య ప్రస్తావించచారు. ప్రజలు తీవ్రమైన ఇక్కట్లను ఎదుర్కొంటున్నారని, కేంద్రం నిర్ణయం వల్ల వ్యవస్ధ అతలాకుతలమైందని ఆయన కోర్టు దృష్టికి తీసుకెళ్లారు.