తిరుమల, సెప్టెంబర్ 25: శ్రీవారి వార్షిక బ్రహ్మోత్సవాలకు పటిష్ఠ బం దోబస్తుతో పాటు భక్తులకు పోలీస్ శాఖ తరపున స్నేహపూర్వకంగా సేవ లు అందిస్తామని ఆంధ్రప్రదేశ్ డిజిపి సాంబశివరావు తెలిపారు. ఆదివారం ఉదయం ఆయన తిరుమల శ్రీ వేంకటేశ్వర స్వామిని దర్శించుకున్నారు. దర్శనానంతరం రాయలసీమ ప్రాం తానికి చెందిన పలువురు పోలీస్ ఉన్నతాధికారులతో కలసి ఆలయ తిరుమాడ వీధులు, రాంభగీచ తదితర ప్రదేశాలను పరిశీలించారు.

హైదరాబాద్, సెప్టెంబర్ 25: హైదరాబాద్‌లో ఈ సంవత్సరం రికార్డు స్థాయిలో వర్షం కురిసింది. 108 ఏళ్ల తరువాత ఇంత భారీ వర్షం కురిసినట్టు అధికారులు పేర్కొంటున్నారు. 1908 సెప్టెంబర్‌లో 499 మిల్లీ మీటర్ల వర్షపాతం నమోదు కాగా, 2016 సెప్టెంబర్‌లో 407 మిల్లీ మీటర్ల వర్షపాతం నమోదైంది. వందేళ్ల క్రితంతో పోలిస్తే 92 మిల్లీ మీటర్లు తక్కువే. గత 30 ఏళ్లలో 132 మిల్లీ మీటర్ల సాధారణ వర్షపాతం నమోదైంది.

హైదరాబాద్, సెప్టెంబర్ 25: ప్రత్యేక హోదా ద్వారానే ఆర్ధిక సంక్షోభంతో సతమతమవుతున్న ఆంధ్ర రాష్ట్రానికి సంపూర్ణ ప్రయోజనాలు చేకూరుతాయని ప్రతిపక్షనేత వైఎస్ జగన్మోహన్‌రెడ్డి అన్నారు. అవసరమైతే హోదా సాధనకు తమ పార్టీ ఎంపీలతో రాజీనామా చేయిస్తానన్నారు. హోదా సాధనకు వామపక్షపార్టీలతో, ప్రజా సంఘాలతో కలిసి పోరాడుతామని చెప్పారు. ఎంపీలతో రాజీనామా చేయించడమనేది బ్రహ్మాస్తమ్రన్నారు.

దాచేపల్లి, సెప్టెంబర్ 25: వ్యాపారం వ్యాపారంగానే చేయాలి. స్వలాభం కోసం వ్యాపారం పేరుతో ప్రజల జీవితాలతో ఆడుకుంటే ఎట్టి పరిస్థితులలో క్షమించబోనని ముఖ్యమంత్రి చంద్రబాబు హెచ్చరించారు. గుంటూరు జిల్లా దాచేపల్లిలో వరద బాధితులను పరామర్శించిన అనంతరం స్థానిక పాత బస్టాండ్ సెంటర్‌లో ప్రజలను ఉద్దేశించి ఆయన ప్రసంగించారు.