హైదరాబాద్: సోమవారంనాడు జరిగిన నగర కాంగ్రెస్ కమిటీ సమావేశం రసాభాసగా జరిగింది. సికింద్రాబాద్ స్థానం నుంచి అజారుద్దీన్ పోటీ చేస్తానని ప్రకటించటంపై నగర కాంగ్రెస్ అధ్యక్షుడు అంజన్‌కుమార్ యాదవ్ వర్గం మండిపడింది. సికింద్రాబాద్ నుంచి తానే పోటీచేస్తానని అంజన్‌కుమార్ యాదవ్ స్పష్టం చేయటం జరిగింది.

విశాఖపట్నం: వాయువ్య బంగాళాఖాతంలో ఏర్పడిన అల్పపీడనం మరింత బలపడింది. దీని ప్రభావం వల్ల రానున్న 48 గంటల్లో తెలుగు రాష్ట్రాల్లో ఓ మోస్తారు నుంచి భారీ వర్షాలు పడే అవకాశం ఉందని వాతావరణ శాఖ వెల్లడించింది. మత్స్యకారులు వేటకు వెళ్లవద్దని గంటకు 50 నుంచి 55 కి.మీ వేగంతో గాలులు వీస్తాయని వాతావరణ శాఖ వెల్లడించింది. అల్పపీడనం ప్రభావం వల్ల కురుస్తున్న వర్షాలకు లోతట్టు ప్రాంతాలన్నీ జలమయమయ్యాయి.

సరుబుజ్జిలి: వంశధార నదిలో చిక్కుకున్న కూలీలు, డ్రైవర్లు సురక్షితంగా బయటపడ్డారు. రెండు గంటలు పాటు శ్రమించిన ఎన్డీఆర్‌ఎఫ్ బృందాలు తీవ్రంగా గాలించి బాధితులను ఒడ్డుకు చేర్చారు. శ్రీకాకుళం జిల్లా సరిబుజ్జిలి మండలం పురుషోత్తపురంలో ఇసుకర్యాంప్‌లో ఇసుకను తోడేందుకు వెళ్లిన కూలీలు వంశధార నది ప్రవాహంలో చిక్కుకుపోయారు.

హైదరాబాద్, జూలై 15: మజ్లీస్ నేతలు రెచ్చగొట్టే ప్రసంగాలు చేసినా పట్టించుకోరా? అని బీజేపీ ఎమ్మెల్యే ఎన్‌విఎస్‌ఎస్ ప్రభాకర్ ప్రభుత్వాన్ని ప్రశ్నించారు. రాష్ట్రంలో ప్రజాస్వామ్యం నశించిందని, పోలీసుల రాజ్యం, నిర్బంధకాండ అమలు అవుతున్నదని ఆయన ఆదివారం విలేఖరుల సమావేశంలో ఆందోళన వ్యక్తం చేశారు. అధికార పార్టీ నాయకుల్లో ఆరుగురిపై కేసులు ఉన్నాయని ఆయన తెలిపారు.