అనంతపురం, జూలై 16: ఈసారి కూడా వర్షాభావం అనంతపురం జిల్లా రైతాంగాన్ని అతలాకుతలం చేసేలా ఉంది. నెలన్నర క్రితమే నైరుతి రుతుపవనాలు రాష్ట్రంలోకి ప్రవేశించినా, జిల్లాలో ఖరీఫ్ పంటల సాగు ముందుకు సాగడం లేదు. రుతుపవనాలు చెప్పుకోదగ్గ ప్రభావం చూపకపోవడంతో సాగుబడి కుదేలవుతోంది. దీంతో ఈసారి జిల్లాలో క్రాప్ హాలిడే ప్రకటించే పరిస్థితి తలెత్తనుందా అనే సందేహాలు వ్యక్తమవుతున్నాయి.

హైదరాబాద్, జూలై 16: స్మార్ట్ ఫోన్ కోసం ఓ టీనేజర్ తన స్నేహితుడి ప్రాణాలనే హరించాడు. సంచలనం సృష్టించిన ఇంటర్ విద్యార్థి అదృశ్యం కేసులో మిస్టరీ సోమవారం వీడింది. స్నేహితుడే స్మార్ట్ ఫోన్ కోసం అతడిని కిడ్నాప్ చేసి, తలపై మోది హత్య చేసి ఆపై పెట్రోల్ పోసి కాల్చి చంపిన సంఘటన ఉప్పల్ పోలీసు స్టేషన్ పరిధిలో సంచలనం కలిగించింది.

హైదరాబాద్, జూలై 16: ఇంత కాలం హైదరాబాద్ నగరంలో మజ్లిస్ పార్టీపై స్నేహపూర్వక పోటీ చేశామని, ఇక వచ్చే ఎన్నికల్లో ఆ పార్టీపై బలమైన అభ్యర్థులను పోటీకి దించి గెలుపొందేందుకు సీరియస్‌గా పని చేద్దామని పార్టీ నాయకులు, కార్యకర్తలకు టీసీపీపీ అధ్యక్షుడు ఉత్తమ్‌కుమార్ రెడ్డి పిలుపునిచ్చారు. సమష్టిగా పని చేసి, మజ్లిస్‌ను ‘్ఢ’ కొట్టి ఓడిద్దామని ఆయన అన్నారు.

శ్రీకాకుళం, జూలై 16: జిల్లాలోని సరుబుజ్జిలి మండలం పురుషోత్తపురం సమీపంలో వంశధార వరద ప్రవాహంలో 53 మంది ఆదివారం అర్థరాత్రి దాటిన తర్వాత చిక్కుకుపోయారు. ఇసుక ర్యాంపు నిర్వహిస్తున్న ప్రాంతంలో లారీల్లో పొక్లయిన్ల సహాయంతో ఇసుక లోడ్ చేస్తున్న సందర్భంగా ఒక్కసారిగా వరద చుట్టుముట్టడంతో కూలీలు, డ్రైవర్లు, ఇతర సిబ్బంది జలదిగ్బంధంలో చిక్కుకున్నారు. సమాచారం తెలిసిన వెంటనే జిల్లా అధికారులు అప్రమత్తమయ్యారు.