హైదరాబాద్, జూలై 15: ముఖ్యమంత్రి చంద్రబాబు నాయుడు నాలుగేళ్ళ పాలనలో ఆంధ్రప్రదేశ్ రాష్ట్భ్రావృద్ధికి చేసింది ఏమీ లేదని వైకాపా ఎమ్మెల్యే, సినీ నటి ఆర్‌కె రోజా విమర్శించారు. ఒక్క చేనేత కార్మికుడికీ రుణ మాఫీ జరగలేదని ఆమె ఆదివారం విలేఖరుల సమావేశంలో విమర్శించారు. రుణ మాఫీ చేస్తానని చెప్పి రైతులను అప్పుల ఊబిలోకి నెట్టేశారని, డ్వాక్రా మహిళలను నమ్మించి మోసగించారని ఆమె మండిపడ్డారు.

తెలంగాణలో బోనాల జాతర మొదలైంది.
సంప్రదాయం ప్రకారం, ఆషాఢమాసం మొదటి ఆదివారం గోల్కొండలోని అమ్మవారి ఆలయంలో తొలి పూజలు జరగడంతో
బోనాల ఉత్సవాలు మొదలయ్యాయ.

హైదరాబాద్: ఎన్నికలు ఎప్పుడొచ్చినా తాము సిద్ధంగా ఉన్నామని ఐటీశాఖ మంత్రి కల్వకుంట్ల తారకరామారావు స్పష్టం చేసారు. కేంద్ర ప్రభుత్వ తీరుపైగానీ, ప్రధాని మోదీ పట్లగానీ సంతృప్తిగా లేమని అన్నారు. ఉత్తమ సీఎం కేసీఆరా? వైఎస్‌ఆరా? అని ఒకరు అడిగిన ప్రశ్నకు ‘సమాధానం మీకే తెలుసు’ అంటూ దాటవేసారు. ఆదివారం ట్విట్టర్ వేదికగా ప్రజలతో గంటన్నర పాటు కేటీఆర్ ముఖాముఖి నిర్వహించారు.

రాజమహేంద్రవరం, జూలై 15: గోదావరి నదిలో వరద జలాల ప్రవాహ ఉద్ధృతి పెరుగుతోంది. ధవళేశ్వరం సర్ ఆర్ధర్ కాటన్ బ్యారేజికి ఎగువ నుండి చేరుతున్న వరద జలాలను వచ్చింది వచ్చినట్టుగా సముద్రంలోకి వదిలేస్తున్నారు. మొదటి ప్రమాద హెచ్చరిక దిశగా ప్రవాహ ఉద్ధృతి కొనసాగుతోంది. ఆదివారం ఉదయం కాటన్ బ్యారేజి వద్ద 9.10 అడుగుల నీటి మట్టం నమోదైంది.