హైదరాబాద్, ఏప్రిల్ 22: కేంద్రంలో బీజేపీ-ఆర్‌ఎస్‌ఎస్‌ల మతతత్వ ప్రభుత్వాన్ని గద్దె దించడానికి వామపక్ష, ప్రజాతంత్ర, ప్రజాసంఘాలన్నీ సంఘటితం కావాలని సీపీఎం జాతీయ కార్యదర్శి సీతారామ్ ఏచూరి పిలుపునిచ్చారు. ప్రధాని మోదీ నేతృత్వంలోని ఎన్డీయో సర్కార్ వల్ల ఏమైనా జరిగిందా? అంటే ఆర్థిక దోపిడి మరింత పెరగడం తప్ప మరేమి లేదన్నారు.

విశాఖ (జగదాంబ), ఏప్రిల్ 21: నేను రాజకీయాల్లోకి రాకుండానే అన్ని పార్టీల్లోకి మీరే (మీ- మీడియా) చేర్చేశారంటూ సీబీఐ మాజీ జేడీ వీవీ లక్ష్మీనారాయణ ఛలోక్తి విసిరారు. విశాఖ పర్యటనకు వచ్చిన ఆయన శనివారం సంపత్ వినాయగర్ ఆలయంలో ప్రత్యేక పూజలు చేశారు. ఈ సందర్భంగా ఆయన మాట్లాడుతూ రాజకీయాల్లోకి వచ్చే ముందు మీడియాకు తప్పకుండా వెల్లడిస్తానన్నారు.

తిరుపతి, ఏప్రిల్ 21: ప్రముఖ సినీ దర్శకుడు కె.రాఘవేంద్రరావును టీటీడీ ఆధ్వర్యంలోని ఎస్వీబీసీ చానల్‌కు చైర్మన్‌గా నియమిస్తూ రాష్ట్ర ప్రభుత్వం ఆదేశాలను జారీ చేసింది. ఈవిషయాన్ని శనివారం టీటీడీ పిఆర్వో డాక్టర్ తలారి రవి ఒక ప్రకటనలో తెలియజేశారు.

హైదరాబాద్, ఏప్రిల్ 21: స్వావలంబన, స్వయంకృషితో పత్రికా రంగంలో ఉన్నత శిఖరాలను అధిరోహించిన మహిళా జర్నలిస్టు, ఆంధ్రభూమి వార, మాసపత్రికల అసిస్టెంట్ ఎడిటర్ అయ్యగారి సీతా లక్ష్మి ప్రతిష్టాకరమైన లేడీ లెజెండ్ అవార్డుకు ఎంపికయ్యారు. ఈ నెల 22వ తేదీన (ఆదివారం) ఇక్కడ జరిగే ఒక కార్యక్రమంలో రాజా రతన్ హెల్త్, ఎడ్యుకేషన్ ట్రస్టు, ట్యూటర్స్ ప్రైడ్ సంస్థ నుంచి ఆమె ఈ అవార్డును స్వీకరించనున్నారు.