హైదరాబాద్, ఏప్రిల్ 22: సీపీఎం పార్టీ 22వ జాతీయ మహాసభలు ముగిశాయి. గత ఐదు రోజులుగా కొననసాగిన మహాసభలు ఆదివారం సరూర్‌నగర్ స్టేడియంలో నిర్వహించిన భారీ బహిరంగ సభతో ముగిశాయి. ఈ నెల 18న ఆర్టీసీ కళ్యాణ మండలంలో పార్టీ సీనియర్ నాయకురాలు మల్లు స్వరాజ్యం జెండా ఆవిష్కరణతో సమావేశాలు ప్రారంభమయ్యాయి.

హైదరాబాద్, ఏప్రిల్ 22: ప్రతి ఇంటికీ నల్లా ద్వారా సురక్షిత మంచి నీరు ఇవ్వలేకపోతే వచ్చే సార్వత్రిక ఎన్నికల్లో ఓట్లు అడగబోమని చెప్పిన మాటకు కట్టుబడి మిషన్ భగీరథ పనులను అనుకున్న విధంగా పూర్తి చేస్తున్నామని ముఖ్యమంత్రి కే. చంద్రశేఖర్ రావు తెలిపారు. మిషన్ భగీరథ పనులపై ఆదివారం ప్రగతి భవన్‌లో ముఖ్యమంత్రి కేసీఆర్ సమీక్ష నిర్వహించారు.

కాకినాడ, ఏప్రిల్ 22: ఏపీ ఎంసెట్-2018 ఆదివారం తొలిరోజు ఇంజనీరింగ్ ప్రవేశ పరీక్షలు తెలుగు రాష్ట్రాల్లో ప్రశాంతంగా జరిగినట్టు ఎంసెట్ కన్వీనర్ డాక్టర్ సిహెచ్ సాయిబాబు తెలిపారు. ఈ పరీక్షకు 94.98 శాతం విద్యార్థులు హాజరయ్యారని ఆయన తెలిపారు. ఉదయం 32,772 మంది హాజరుకావల్సి ఉండగా 31,157 మంది హాజరయ్యారని, 1615మంది గైర్హాజరయ్యారని ఆయన చెప్పారు. మొత్తం 95.07 శాతం విద్యార్థులు హాజరయ్యారని తెలిపారు.

హైదరాబాద్, ఏప్రిల్ 22: సీపీఎం జాతీయ ప్రధాన కార్యదర్శిగా సీతారాం ఏచూరి రెండోసారి ఏకగ్రీవంగా ఎన్నికయ్యారు. ఐదు రోజులపాటు జరిగిన 22వ సీపీఎం మహాసభలు ఆదివారం ఇక్కడ ముగిశాయి. చివరి రోజు సీపీఎం ప్రతినిధులు 95మందితో కూడిన కేంద్ర కమిటీని ఎన్నుకున్నారు. అనంతరం కేంద్ర కమిటీ సభ్యులు సీతారాం ఏచూరిని, 17మంది పొలిట్ బ్యూరో సభ్యులను ఎన్నుకున్నారు. ఆదివారం ఇక్కడ ఆర్టీసీ కళ్యాణ మండపంలో జరిగిన సమావేశంలో