హైదరాబాద్, డిసెంబర్ 4: ఈ నెల 14వ తేదీన ఢిల్లీలో జరగనున్న భారత్ బచావో సమావేశానికి వివిధ నియోజకవర్గాల నుంచి పెద్ద ఎత్తున స్పందన వచ్చినట్లు కాంగ్రెస్ రాష్ట్ర వ్యవహారాల ఇన్‌చార్జి ఆర్‌సీ కుంతియా చెప్పారు. భారత్ బచావో కార్యక్రమాన్ని విజయవంతం చేయడంపై ఆయన టీపీసీసీ సీనియర్ నేతలతో బుధవారం ఇక్కడ గాంధీభవన్‌లో సమీక్షించారు.

హైదరాబాద్: దేశ వ్యాప్తంగా సంచలనం సృష్టించిన దిశ హత్యోదోంతంపై నిరసన తెలిపేందుకు వచ్చిన భూమాత బ్రిగేడ్ నాయకురాలు తృప్తిదేశాయ్‌ను పోలీసులు అదుపులోకి తీసుకున్నారు. ఆమె ఈరోజు సీఎం ఇంటి ఎదుట నిరసన తెలిపేందుకు రాగా పోలీసులు మధ్యలోనే అడ్డుకున్నారు. వారు వెనక్కి తగ్గకపోవటంతో పోలీసులు నిర్బంధంలోకి తీసుకున్నారు.

నాగార్జునసాగర్, డిసెంబర్ 3: నాగార్జునసాగర్ జలాశయం నుండి ఎడమ కాల్వ ద్వారా విడుదల చేస్తున్న నీటిని మంగళవారం సాయంత్రం డ్యాం అధికారులు నిలిపివేశారు. ఎడమ కాల్వ పరిధిలోని పంటలకు వారబందీ పద్ధతిలో ఇప్పటి వరకు 6 విడతలుగా నీటి విడుదల చేశారు. 7వ విడత మరో వారం రోజుల తరువాత విడుదల చేయనున్నారు. ప్రస్తుతం సాగర్ జలాశయంలో 590 అడుగులకుగాను 583.20 అడుగులుగా ఉంది.

వనపర్తి, డిసెంబర్ 3: రాష్ట్ర ప్రభుత్వం దివ్యాంగులకు పూర్తి అండగా నిలుస్తుందని రాష్ట్ర వ్యవసాయ శాఖ మంత్రి సింగిరెడ్డి నిరంజన్‌రెడ్డి అన్నారు. డబుల్ బెడ్‌రూమ్ ఇళ్లు నిర్మిస్తున్న చోట దివ్యాంగులు ఉన్నట్టయతే వారికి అవకాశం కల్పిస్తామని ఆయన తెలిపారు.