హైదరాబాద్, అక్టోబర్ 10: తెలంగాణవ్యాప్తంగా లారీల సమ్మె కొనసాగుతోంది. మంగళవారం రాష్టవ్య్రాప్తంగా దాదాపు ఐదు వేల లారీలు నిలిచిపోయాయి. ఈ సందర్భంగా తెలంగాణ లారీ ఓనర్స్ అసోసియేషన్ అధ్యక్షుడు ఎన్ భాస్కర్‌రెడ్డి మాట్లాడుతూ, ట్రాన్స్‌పోర్ట్ వ్యవస్థ సంక్షోభంలో ఉందని, పెట్రోల్, డీజిల్ ధరలను జీఎస్టీ పరిధిలోకి తీసుకురావాలని డిమాండ్ చేశారు. పెట్రో ఉత్పత్తుల ధరలు హెచ్చు, తగ్గులు లేకుండా చూడాలన్నారు.

హైదరాబాద్, అక్టోబర్ 10: నవజాత శిశువుల సంరక్షణలో తెలంగాణ జాతీయ స్థాయిలో రెండో స్థానంలో నిలిచింది. కేంద్ర వైద్య ఆరోగ్య శాఖ మంగళవారం జాతీయ శిశు ఆరోగ్య సమీక్ష సందర్భంగా ఈ విషయాన్ని ప్రకటించింది. మొదటిస్థానంలో హరియాణ నిలిచింది. సిఎం కెసిఆర్ దార్శనికత వల్లనే వైద్య ఆరోగ్య శాఖకు జాతీయ స్థాయిలో అవార్డులు లభిస్తున్నాయని, వైద్య ఆరోగ్య మంత్రి లక్ష్మారెడ్డి తెలిపారు.

హైదరాబాద్, అక్టోబర్ 10: తెలంగాణ రాష్ట్రంలో పరిశ్రమల అభివృద్ధికి, మరోవైపు పార్టీ కోసం అంకితమైన భావంతో పని చేస్తానని తెలంగాణ రాష్ట్ర పారిశ్రామిక, వౌలిక సదుపాయాల కల్పనా సంస్థ (టిఎస్-ఐఐసి) చైర్మన్ గ్యాదరి బాలమల్లు తెలిపారు. టిఆర్‌ఎస్ ప్రధాన కార్యదర్శిగా నియమితులైన బాలమల్లును మంగళవారం పార్టీ నాయకులు, కార్యకర్తలు అభినందించారు.

హైదరాబాద్, అక్టోబర్ 10: స్టేట్ అడాప్షన్ రీసోర్స్ ఏజన్సీకి పాలక మండలి (గవర్నింగ్ బాడీ) ని ఏర్పాటు చేశారు. ఈ మేరకు స్ర్తి, శిశు సంక్షేమ శాఖ కార్యదర్శి జగదీశ్వర్ పేరుతో మంగళవారం ఉత్తర్వులు జారీ అయ్యాయి. స్ర్తి, శిశు సంక్షేమ శాఖ ముఖ్యకార్యదర్శి/కార్యదర్శి చైర్‌పర్సన్‌గా మరో ఆరుగురు అధికారులను ఈ కమిటీకి సభ్యులుగా నియమించారు.