హైదరాబాద్, అక్టోబర్ 9: లంచం ఇవ్వనిదే కార్మికులకు ఫిట్‌మెంట్ సర్ట్ఫికేట్ జారీ చేయడం లేదని సింగరేణి కార్మికులు ముఖ్యమంత్రికి ఫిర్యాదు చేయడంతో సింగరేణి ప్రధాన ఆస్పత్రి చీఫ్ మెడికల్ ఆఫీసర్‌పై బదిలీ వేటు పడింది. ఈ మేరకు చీఫ్ మెడికల్ ఆఫీసర్ డాక్టర్ కురిడి ప్రసన్న సింహను బదిలీ చేస్తూ సింగరేణి కాలరీస్ పర్సనల్ మేనేజర్ సోమవారం ఉత్తర్వులు జారీ చేసారు.

మహబూబ్‌నగర్, అక్టోబర్ 8: లారీల సమ్మెలో అత్యవసర సరుకుల రవాణాను మినహాయిస్తున్నామని నేడు, రేపు రెండు రోజులపాటు జరిగే లారీల సమ్మెకు ప్రజలు కూడా సహకరించాలని తెలంగాణ రాష్ట్ర లారీ ఓనర్స్ అసోసియేషన్ గౌరవ అధ్యక్షుడు మహబూబ్‌నగర్ ఎమ్మెల్యే శ్రీనివాస్‌గౌడ్ అన్నారు.

హైదరాబాద్, అక్టోబర్ 8: ప్రొఫెసర్ కంచ ఐలయ్య ఇంటి వద్ద పోలీసులు భారీ బందోబస్తు ఏర్పాటు చేశారు. కంచ ఐలయ్య రచించిన ‘సామాజిక స్మగ్లర్లు-కోమటోళ్లు’ అనే పుస్తకంపై చర్చిస్తామంటూ ఆదివారం ఆర్యవైశ్య సంఘాలు ఐలయ్య ఇంటిని ముట్టడించేందుకు యత్నించాయి. సమాచారం అందుకున్న పోలీసులు ఐలయ్య ఇంటి వద్ద బందోబస్తు ఏర్పాటు చేశారు. అదే క్రమంలో ఐలయ్య మద్దతుదారులు కూడా భారీ సంఖ్యలోనే తరలివచ్చారు.

హైదరాబాద్, అక్టోబర్ 8: సికిందరాబాద్ వారాసిగూడలో విషాదం చోటుచేసుకుంది. ఓ క్యాబ్ డ్రైవర్/యజమాని ఉరేసుకుని ఆత్మహత్య చేసుకున్నాడు. ఆదివారం చోటుచేసుకున్న ఈ ఘటనతో మృతుడి కుటుంబంలో విషాదఛాయలు అలుముకున్నాయి. సమాచారం అందుకున్న పోలీసులు సంఘటన స్థలానికి చేరుకుని మృతదేహాన్ని పోస్టుమార్టం నిమిత్తం గాంధీ ఆసుపత్రికి తరలించారు.