హైదరాబాద్, ఆగస్టు 26: రెండేళ్ల డిఇడి కోర్సులో చేరేందుకు ఈ నెల 31 నుండి డీసెట్ అడ్మిషన్లను నిర్వహించనున్నారు. వెబ్ ఆధారితంగా జరిగే అడ్మిషన్లకు సెప్టెంబర్ 6 వరకూ ఆప్షన్ల నమోదు గడువు ఇచ్చారు. సీట్ల కేటాయింపు సెప్టెంబర్ 12న జరుగుతుంది. సెప్టెంబర్ 14 వరకూ ఫీజు చెల్లించాలి, సంబంధిత కాలేజీల్లో సెప్టెంబర్ 12 నుండి 15వ తేదీలోగా అభ్యర్ధులు రిపోర్టు చేయాల్సి ఉంటుంది.
దూరవిద్య నాణ్యంగా ఉండాలి

హైదరాబాద్, ఆగస్టు 26: వివిధ శాఖల్లో పనిచేస్తున్న ఉన్నతస్థాయి అధికారులకు ప్రమోషన్లు లభించాయి. ఇంధనశాఖ ప్రత్యేక ప్రధాన కార్యదర్శి అజయ్‌మిశ్రా, సాధారణ పరిపాలనాశాఖ ముఖ్యకార్యదర్శి అదర్‌సిన్హా నేతృత్వంలోని కమిటీ ఈ మేరకు శనివారం నిర్ణయం తీసుకుంది. హైడ్రాలజీ, స్టాంపులు, రిజిస్ట్రేషన్లు, వైద్యం ఆరోగ్యం తదితర శాఖల్లోని 46 మందికి ప్రమోషన్లు లభించాయి.

హైదరాబాద్, ఆగస్టు 26: రాష్ట్ర ప్రభుత్వం ప్రజా వ్యతిరేక విధానాలకు పాల్పడుతూ, ప్రజాభిప్రాయాలకు విలువ ఇవ్వడం లేదని ఎంపీ రేణుకా చౌదరి విమర్శించారు. ఆమె నేతృత్వంలోని పార్లమెంటరీ స్టాండింగ్ కమిటీ ఇండియన్ ఇనిస్టిట్యూట్ ఆఫ్ కెమికల్ టెక్నాలజీ (ఐఐసిటి)ని సందర్శించింది. కాంగ్రెస్ నాయకులు మర్రి శశిధర్ రెడ్డి, ఎం. కోదండరెడ్డి ప్రభృతులు కూడా ఆమె వెంట ఉన్నారు.

హైదరాబాద్, ఆగస్టు 26: భారత్‌కు స్వాతంత్య్రం సిద్ధించి 70 ఏళ్లు పూర్తయినా ఇంకా స్వాతంత్య్ర ఫలాలు పూర్తిగా అందడం లేదని, ఆ లక్ష్యం పూర్తికాలేదని, దానిని పూర్తి చేసేందుకే నూతన భారతదేశాన్ని నిర్మించేందుకు ప్రధాని నరేంద్రమోదీ పూనుకున్నారని బిజెపి జాతీయ ప్రధానకార్యదర్శి రామ్‌మాధవ్ పేర్కొన్నారు. ఇంపీరియల్ గార్డెన్స్‌లో జరిగిన సంకల్పసిద్ధి సభలో ఆయన పాల్గొన్నారు.