గోదావరిఖని, ఆగస్టు 22: విప్లవ పోరాటాలకు పుట్టినిల్లుగా పేరున్న పెద్దపల్లి జిల్లా గోదావరిఖని పారిశ్రామిక ప్రాంతం కళల కాణాచిగా వర్ధిల్లుతూ రోజురోజుకూ రికార్డులను తిరగరాస్తోంది. తాజాగా జాతీయ సమైక్యతను పెం పొందించే జెండా ప్రదర్శనలు... జాతీయ భావాలను ఇనుమడింపజేసే నృత్య ప్రదర్శనలు... సంస్కృతికి అద్దం పట్టే జానపద నృత్య ప్రదర్శనలు చేస్తూ... అంతర్జాతీయ స్థాయిలో మెప్పును పొందుతున్నారు.

వాంకిడి, ఆగస్టు 22: కుంరంభీం ఆసిఫాబాద్ జిల్లాలోని వాంకిడి మండలం బెండార గ్రామం వద్ద గల మూలమలుపు వద్ద మంగళవారం జరిగిన రోడ్డు ప్రమాదంలో ఆరుగురు మృతి చెందారు. మరో ఆరుగురు తీవ్రంగా గాయపడ్డారు. వాంకిడి మండలంలో జరిగిన భవానిమాత జాతరకు వచ్చి టిఎస్ 1యుబి 5055 అనే నెంబర్ గల ఆటోలో తిరిగి వెళ్తున్న సమయంలో ఎదురుగా వచ్చిన గుర్తు తెలియని వాహనం ఢీకొనడంతో ఈ ప్రమాదం జరిగిందని అనుమానిస్తున్నారు.

హైదరాబాద్, ఆగస్టు 22: రాష్ట్రంలో పులులు నెమ్మదిగా కనుమరుగవుతున్నాయి. పులులను రక్షించేందుకు ప్రభుత్వం ఎన్ని చర్యలు తీసుకుంటున్నప్పటికీ, వేటగాళ్ల తుపాకులు, విద్యుత్ తీగలకు పులులు నెమ్మదిగా అంతరించిపోతున్నాయి. రాష్ట్రంలో రెండు పులుల అభయారణ్యాలు (టైగర్ రిజర్వ్) ఉన్నాయి. నాగర్‌కర్నూలు జిల్లాలోని అమ్రాబాద్ టైగర్ రిజర్వ్, మంచిర్యాల జిల్లాలోని కవాల్ టైగర్ రిజర్వ్ ప్రాంతాల్లో పులులు సంచరిస్తున్నాయి.

హైదరాబాద్, ఆగస్టు 22: హరిత హారం పథకాన్ని రొటీన్‌గా చూడవద్దని తెలంగాణలో భవిష్యత్తు ప్రజాజీవితంతో ముడిపడి ఉన్న పథకంగా ప్రాధాన్యత ఇవ్వాలని, కలెక్టర్లు, ఇతర అధికారులు పథకం అమలుపై దృష్టిసారించాలని అటవీ శాఖ ముఖ్యకార్యదర్శి రజత్ కుమార్ సూచించారు. కలెక్టర్లతో మంగళవారం వీడియో కాన్ఫరెన్స్ నిర్వహించారు. హరిత హారం అమలు ఆధారంగా అధికారుల పనితీరు మదింపు ఉంటుందని, జిల్లాలకు ర్యాంకులు ఉంటాయని చెప్పారు.