బాసర, ఆగస్టు13: బాసర క్షేత్రాన్ని అభివృద్ధి పరచేందుకు రాష్ట్ర ప్రభుత్వం కట్టుబడి ఉందని నిజామాబాద్ ఎంపి కల్వకుంట్ల కవిత అన్నారు. ఆదివారం బాసర శ్రీ జ్ఞాన సరస్వతిదేవిని దర్శించుకున్న అనంతరం రాజన్న వసతి గృహంలో విలేఖరులతో మాట్లాడారు. దేవాదాయశాఖ ఆధ్వర్యంలో 120 కోట్ల రూపాయలతో బాసర మాస్టర్ ప్లాన్ అభివృద్ధికి ప్రభుత్వం ప్రణాళికలు రూపొందించిందన్నారు.

పరకాల, అగస్టు 13: ఎస్‌ఆర్‌ఎస్‌పి పునరుజ్జీవన పథకం ఉమ్మడి వరంగల్ జిల్లాకు ఉపయోగపడదని బిజెపి రాష్ట్ర ప్రధాన కార్యదర్శి గుజ్జుల ప్రేమేందరెడ్డి అన్నారు. ఆదివారం వరంగల్ రూరల్ జిల్లా పరకాలలో ఏర్పాటు చేసిన విలేఖరుల సమావేశంలో ఆయన మాట్లాడుతూ ఎస్‌ఆర్‌ఎస్‌పి పునరుజ్జీవన పథకం కేవలం కరీంనగర్ జిల్లాకే ఉపయోగపడుతుందని అన్నారు. మంత్రులు, ఎమ్మెల్యేలకు సోయి లేదని వ్యాఖ్యానించారు.

చౌటుప్పల్, ఆగస్టు 13: హైదరాబాద్-విజయవాడ 65వ నెంబర్ జాతీయ రహదారిపై ఆదివారం ట్రాఫిక్ రద్దీ కొనసాగింది. తెల్లవారుజాము నుంచి ఉదయం 10.00 గంటల వరకు పంతంగి టోల్‌ప్లాజా వద్ద ట్రాఫిక్ జామైంది. కిలోమీటరు మేర వాహనాలు నిలిచిపోయాయి. వరుసగా నాలుగు రోజులు ప్రభుత్వ సెలవులు రావడంతో శుక్రవారం నుంచి హైవేపై రద్దీ పెరిగింది.

హైదరాబాద్, ఆగస్టు 13: రానున్న స్వాతంత్య్ర దినోత్సవ సందర్భంగా ఆదివారం చక్ దే ఇండియా రైడ్ 3వ ఎడిషన్‌ను తెలంగాణ ఐటి శాఖ ముఖ్య కార్యదర్శి అజయ్ మిశ్రా జెండా ఊపి ఘనంగా ప్రారంభించారు. మాదాపూర్ హైటెక్స్ కాంప్లెక్స్‌లోని నేషనల్ అకాడమి ఆఫ్ కనస్ట్రక్షన్స్ వద్ద హైదరాబాద్ బైసెక్లింగ్ క్లబ్ (హెచ్‌బిసి), భారత పరిశ్రమల సమాఖ్య (సిఐఐ) సంయుక్తంగా ఈ కార్యక్రమాన్ని నిర్వహించింది.