హైదరాబాద్, జూలై 28: రాష్ట్రంలో చేపట్టిన హరితహారం కార్యక్రమం మూడవ దశ 35 శాతానికి పైగా పూర్తయ్యిందని అటవీ శాఖ అధికారులు వెల్లడించారు. తాజా లెక్కల ప్రకారం మొత్తం 31 జిల్లాల్లో ఇప్పటి వరకు 40 కోట్ల మొక్కలు నాటే కార్యక్రమం పూర్తయినట్లు అధికారులు వెల్లడించారు. రుతుపవనాల విరామం ఉన్నందున మొక్కల రక్షణకు తగిన తీసుకోవాలని, ఎక్కువ మొక్కలు నాటాలని ఉన్నతాధికారులు జిల్లా అధికారులకు సూచించారు.

బోధన్, జూలై 28: మహారాష్ట్ర సర్కారు అనుమతితో మంజీరా నదిలో వెలసిన ఇసుక క్వారీల నుండి తరలుతున్న ఇసుక టిప్పర్లు తెలంగాణ ఆదాయానికి పెద్ద ఎత్తున గండి గొతున్నాయి. ఇందుకు టిఎస్‌ఎండిసి సిబ్బంది తమవంతు సహకారాన్ని అందిస్తున్నట్లు స్పష్టమయ్యింది. శుక్రవారం బోధన్ తహశీల్దార్ గంగాధర్ ఆధ్వర్యంలో రెవెన్యూ సిబ్బంది పక్కా ప్రణాళికతో తనిఖీలు నిర్వహించగా ఈ అక్రమాలు వెలుగు చూశాయి.

హైదరాబాద్, జూలై 28: తెలంగాణ రాష్ట్ర వ్యాప్తంగా అస్తవ్యస్తంగా ఉన్న భూముల రికార్డులను సరి చేసేందుకు ప్రభుత్వం ముందడుగు వేసినా ఫలితం కనిపించడం లేదు. రెవెన్యూ శాఖలో వివిధ కేటగిరీల సిబ్బంది కొరత ఉండడంతో ఈ ఉద్దేశం నీరుగారుతోంది. రెవెన్యూ శాఖ వద్ద సరైన భూముల రికార్డులు లేకపోవడంతో రికార్డులను సరిదిద్దేందుకు ప్రభుత్వం నిర్ణయించింది.

అచ్చంపేట, జూలై 27: తెలంగాణ పోలీసులు దేశంలోనే నెంబర్ వన్ స్థానాన్ని పొందారని రాష్ట్ర హోంశాఖ మంత్రి నాయిని నర్సింహ్మారెడ్డి అన్నారు. గురువారం నాగర్‌కర్నూల్ జిల్లా అచ్చంపేటలో ఏర్పాటు చేసిన విలేఖరుల సమావేశంలో ఆయన మాట్లాడుతూ కేంద్ర హోంశాఖ మంత్రి రాజ్‌నాథ్‌సింగ్ తెలంగాణలో పర్యటించిన సందర్భంలో తెలంగాణ పోలీసుల సేవలను మెచ్చుకుంటూ వీరి సేవలు దేశానికి ఆదర్శంగా ఉన్నాయని అన్నారని తెలిపారు.