హైదరాబాద్, ఆగస్టు 22: పట్టణ పేదల సొంతింటి కలను నిజం చేసే దిశగా తెలంగాణ ప్రభుత్వం అడుగులు వేస్తోంది. రాష్టవ్య్రాప్తంగా 2లక్షల డబుల్ బెడ్ రూం ఇళ్లను నిర్మించాలని నిర్ణయించుకున్న ప్రభుత్వం ఒక్క హైదరాబాద్‌లోనే లక్ష డబుల్ బెడ్ రూం ఇళ్లను నిర్మించనున్నట్లు ప్రకటించిన సంగతి తెలిసిందే!

హైదరాబాద్, ఆగస్టు 22: గోదావరి నదీ జలాలపై మహారాష్ట్ర ప్రభుత్వంతో రాష్ట్ర ప్రభుత్వం మంగళవారం (23న) చేసుకోనున్న ఒప్పందాన్ని నిరసిస్తూ తెలంగాణ రాష్ట్ర వ్యాప్తంగా ఆందోళనలు నిర్వహించాలని టిపిసిసి అధ్యక్షుడు ఉత్తమ్‌కుమార్ రెడ్డి పార్టీ నాయకులకు, కార్యకర్తలకు పిలుపునిచ్చారు. నల్ల జెండాలతో నిరసన కార్యక్రమాలు నిర్వహించాలని ఆయన సోమవారం ఒక ప్రకటనలో పేర్కొన్నారు.

ఖమ్మం: పలువురు తెలుగుదేశం పార్టీ నాయకులే ట్రావెల్స్ బస్సులను నడుపుతున్నారని, ప్రైవేటు బస్సులను నియంత్రించే శక్తి ఎపి సర్కారుకు లేదని వైకాపా అధినేత జగన్ విమర్శించారు. ఖమ్మం జిల్లా కూసుమంచి మండలంలో ట్రావెల్స్ బస్సు బోల్తాపడిన ఘటనలో క్షతగాత్రులను ఆయన సోమవారం పరామర్శించారు. మృతులకు 5 లక్షల రూపాయలు, గాయపడిన వారికి 50 వేల చొప్పున నష్టపరిహారం ఇవ్వాలని ఆయన విజ్ఞప్తి చేశారు.

హైదరాబాద్: తెలంగాణలో జిల్లాల పునర్విభజనకు డ్రాఫ్ట్ నోటిఫికేషన్ సోమవారం విడుదలైంది. తొమ్మిది జిల్లాలకు వేర్వేరుగా ప్రభుత్వం నోటిఫికేషన్ విడుదల చేసింది. 27 జిల్లాలు, 58 రెవెన్యూ డివిజన్లతో కొత్త నోటిఫికేషన్ విడుదల అయింది. ప్రస్తుతం రాష్ట్రంలో పది జిల్లాలు, 44 రెవెన్యూ డివిజన్లు, 459 మండలాలున్నాయి.