హైదరాబాద్, మే 10: యూనివర్శిటీ సామాజిక బాధ్యత కింద ఇంగ్లీషు- విదేశీ భాషల విశ్వవిద్యాలయం ఖైరతాబాద్ ప్రభుత్వ ఉన్నత పాఠశాలను ఎంచుకుని అక్కడ విద్యార్థులకు, బోధన సిబ్బందికి ప్రత్యేక శిక్షణ కార్యక్రమాలకు ముందుకు వచ్చింది. రాష్ట్రంలో ఇలాంటి కార్యక్రమం చేపట్టిన తొలి విశ్వవిద్యాలయంగా ఇఫ్లూ ముందుకు రావడం అభినందనీయమని గవర్నర్ ఇఎస్‌ఎల్ నరసింహన్ పేర్కొన్నారు.

హైదరాబాద్, మే 10: టీఆర్‌ఎస్ ప్రభుత్వం అనుసరిస్తున్న ప్రజావ్యతిరేక విధానాలకు వ్యతిరేకంగా దూకుడును పెంచుతామని అంద రినీ కలుపుకుని బలమైన ప్రజా ఉద్యమాన్ని నిర్మిస్తామని బీజేపీ రాష్ట్ర అధ్యక్షుడు కె లక్ష్మణ్ ప్రకటించారు. బీజేపీ గత తప్పిదాల నుంచి అనేక పాఠాలను నేర్చుకుందని, టీడీపీ పొత్తు వల్ల చాలా నష్టపోయామని ఆయన చెప్పారు.

హైదరాబాద్, మే 10: పదో తరగతి ఫలితాలను ఈ నెల 13వ తేదీ ఉదయం 11.30 గంటలకు సచివాలయంలో విద్యాశాఖ కార్యదర్శి డాక్టర్ జనార్ధనరెడ్డి విడుదల చేయనున్నారని, విద్యాశాఖ కమిషనర్ విజయకుమార్, పరీక్షల బోర్డు సంచాలకుడు సుధాకర్‌లు తెలిపారు. ఫలితాలను పరీక్షల బోర్డు వెబ్ పోర్టల్ సహా ఇతర పోర్టల్స్‌లో కూడా ఉంచుతామని వారు పేర్కొన్నారు.

హైదరాబాద్, మే 10: ఖరీఫ్ సీజన్‌లో పంట ఉత్పత్తుల కొనుగోళ్లకు వ్యవసాయ శాఖ సన్నద్ధంగా ఉందని వ్యవసాయశాఖ ముఖ్య కార్యదర్శి సీ పార్థసారథి ఆదేశించారు. నేషనల్ ఇన్ఫర్‌మేటిక్ సెంటర్ ఇప్పటికే సంబంధిత శాఖలతో ప్రభుత్వ మద్దతు ధర కొనుగోళ్లకు సంబంధించి రూపొందించిన సాఫ్ట్‌వేర్‌ను పరిశీలించినట్లు చెప్పారు. వ్యవసాయ ఉత్పత్తుల మద్దతు ధరలకు సంబంధించి ఒక సమీకృత సాఫ్ట్‌వేర్‌ను ఆయా శాఖలతో చర్చించి రూపొందించాలన్నారు.