కట్టంగూర్, మే 8: తెలంగాణ రాష్ట్ర ఏర్పాటు తర్వాత టీఆర్‌ఎస్ పాలనలో రాష్ట్రంలోని స్థానికసంస్థలు నిర్వీర్యమయ్యాయని, నిధులు లేక అలంకారప్రాయంగా మారిపోయాయని తెలంగాణ జనసమితి రాష్ట్ర అధ్యక్షుడు ఆచార్య కోదండరామ్ విమర్శించారు. ప్రాదేశిక ఎన్నికల ప్రచార కార్యక్రమంలో భాగంగా బుధవారం మండలంలోని చెర్వు అన్నారం గ్రామంలో నిర్వహించిన ప్రచార కార్యక్రమంలో పాల్గొన్నారు.

హైదరాబాద్, మే 7: నకిలీ విత్తనాలను రైతులకు విక్రయించే విత్తన కంపెనీలపై కఠిన చర్యలు తీసుకుంటామని వ్యవసాయ శాఖ ముఖ్యకార్యదర్శి సి. పార్థసారథి హెచ్చరించారు. విత్తన టాస్క్ఫోర్స్ బృందాలకు అవగాహన కల్పించేందుకు మంగళవారం ఇక్కడ సదస్సు నిర్వహించారు. నకిలీ విత్తనాను ఏ విధంగా గుర్తించాలో, అలా గుర్తించిన తర్వాత సంబంధిత బాధ్యులపై ఎలాంటి చర్చలు తీసుకోవాలో వివరించారు.

హైదరాబాద్, మే 7: బ్యాలెట్ పేపర్లు తారుమారు కావడం, పొరపాట్లు జరగడంతో రాష్ట్రంలోని రెండు ఎంపీటీసీ నియోజకవర్గాలోని రెండు పోలింగ్ కేంద్రాల్లో ఈ నెల 14 న రీ-పోలింగ్ నిర్వహిస్తున్నామని రాష్ట్ర ఎన్నికల కమిషనర్ వి. నాగిరెడ్డి తెలిపారు. ఈ మేరకు మంగళవారం రెండు వేర్వేరు నోటిఫికేషన్లు జారీ చేశారు.

హైదరాబాద్, మే 7: ఇంటర్ బోర్డు అవకతవకల వల్ల విద్యార్థులు ఆత్మహత్య చేసుకున్నారని, ప్రభుత్వం ప్రదర్శిస్తున్న ఉదాసీనతకు నిరసనగా ప్రజలు తిరగబడే రోజు వస్తుందని బీజేపీ రాష్ట్ర అధ్యక్షుడు లక్ష్మణ్ అన్నారు. మంగళవారం ఇక్కడ బీజేపీ అధ్యక్షుడు లక్ష్మణ్ తదితరులు ఇంటర్ బోర్డు నిర్లక్ష్యం వల్ల ఫెయిలై ఆత్మహత్య చేసుకున్న ముగ్గురు విద్యార్థుల కుటుంబాలను పరామర్శించారు.