తొర్రూరు, మే 4: ముఖ్యమంత్రి కేసీఆర్, టీఆర్‌ఎస్ ప్రభుత్వం ఎంతో ముందుచూపుతో చేపట్టి పకడ్బందీగా అమలు చేస్తున్న పలు సంక్షేమ పథకాలు తెలంగాణ ప్రజలకు వరంగా మారాయని రాష్ట్ర పంచాయతీరాజ్ గ్రామీణ అభివృద్ధి శాఖ మంత్రి ఎర్రబెల్లి దయాకర్‌రావు అన్నారు.

హైదరాబాద్, మే 4: తెలంగాణ రైతులకు 2019 ఖరీఫ్ సీజన్‌కోసం అవసరమైన విత్తనాలను సకాలంలో అందిస్తామని వ్యవసాయ శాఖ ముఖ్య కార్యదర్శి సి. పార్థసారథి తెలిపారు. విత్తనాల పంపిణీపై చర్చించేందుకు శనివారం ఆయన ఉన్నతస్థాయి సమావేశం ఏర్పాటు చేశారు. ఈ సందర్భంగా పార్థసారథి మాట్లాడుతూ, వ్యవసాయ ఉత్పత్తులను గణనీయంగా పెంచేందుకు నాణ్యమైన విత్తనాలే కీలకంగా ఉంటాయన్నారు.

హైదరాబాద్, మే 4: టీఆర్‌ఎస్ ప్రభుత్వ ప్రజావ్యతిరేక విధానాలపై రాజీలేని పోరాటం చేస్తామని బీజేపీ రాష్ట్ర అధ్యక్షుడు డాక్టర్ లక్ష్మణ్ ప్రకటించారు. నిమ్స్ ఆసుపత్రి నుంచి డిశ్చార్జి అయిన తర్వాత ఆయన ఇక్కడ విలేఖర్లతో మాట్లాడుతూ, ఇంటర్ విద్యార్థులకు న్యాయం చేయాలని చేస్తున్న ఉద్యమాలను ప్రభుత్వం పట్టించుకోలేదన్నారు. కేసీఆర్ నిరంకుశ ధోరణితో సాచివేత ధోరణిని అవలంభించారన్నారు.

హైదరాబాద్: ఇంటర్ విద్యార్థుల ఆత్మహత్యలకు నిరసనగా సీపీఐ ఆధ్వర్యంలో విద్యార్థులు రాజ్‌భవన్ వద్ద ర్యాలీ నిర్వహించారు. ఈ సందర్భంగా నేతలను, విద్యార్థులను పోలీసులు అడ్డుకుని అరెస్టు చేయటంతో ఉద్రిక్తత పరిస్థితులు ఏర్పడ్డాయి. గవర్నర్ జోక్యం చేసుకుని విద్యార్థులకు న్యాయం చేయాలని డిమాండ్ చేశారు. విద్యార్థుల ఆత్మహత్యకు ప్రభుత్వమే బాధ్యత వహించాలని డిమాండ్ చేశారు.