హైదరాబాద్, ఏప్రిల్ 19: రాష్ట్ర ప్రభుత్వం ప్రతిష్టాత్మకంగా చేపట్టిన ‘రైతుబంధం’ పథకం విజయవంతం అయ్యేందుకు బ్యాంకర్లు సహకరించాలని వ్యవసాయ మంత్రి పోచారం శ్రీనివాస్‌రెడ్డి కోరారు. హైదరాబాద్ (గన్‌ఫౌండ్రీ) లోని ఎస్‌బీఐ ప్రధాన కార్యాలయంలో గురువారం జరిగిన రాష్టస్థ్రాయి బ్యాంకర్ల కమిటీ (ఎస్‌ఎల్‌బీసీ) సమావేశంలో మాట్లాడుతూ, బ్యాంకులకు సంబంధించిన అన్ని స్థాయిల అధికారులు చిత్తశుద్ధితో పనిచేయాలని కోరారు.

హైదరాబాద్: తెలంగాణ రాష్ట్రంలోని 73 మున్సిపాలిటీల్లో మాస్టర్ ప్లాన్స్‌ను తయారుచేసేందుకు రాష్ట్ర మున్సిపల్ మంత్రిత్వ శాఖ శ్రీకారం చుట్టింది. రాష్ట్రంలోని 54 మున్సిపాలిటీలు తెలంగాణ టౌన్ ప్లానింగ్ చట్టం పరిధిలోకి వస్తాయి. మిగిలిన 19 మున్సిపాలిటీలు పట్టణాభివృద్ధి అథారిటీ కిందకు వస్తాయి.

హైదరాబాద్, ఏప్రిల్ 19: మేడ్చల్ కలెక్టర్ ఎంవి రెడ్డికి మాజీ కేంద్ర మంత్రి సర్వే సత్యనారాయణ వెంటనే బేషరతుగా క్షమాపణ చెప్పాలని తెలంగాణ రాష్ట్ర ఐఏఎస్ అధికారుల సంఘం డిమాండ్ చేసింది. మెట్రో రైలుస్టేషన్‌కు అంబేద్కర్ నామకరణ సందర్భంగా వేదికపై మేడ్చల్ కలక్టర్‌ను సర్వే సత్యనారాయణ దూషించడం వివాదంగా మారిన విషయం తెలిసిందే.

కోదాడ, ఏప్రిల్ 19: ఎస్సీ, ఎస్టీ అట్రాసిటీ చట్టాన్ని నీరుగార్చి దళితులు, గిరిజనులు గౌరవంగా జీవించే హక్కును హరించేందుకు కేంద్రప్రభుత్వం ప్రయత్నిస్తోందని ఎమ్మార్పీయస్ వ్యవస్థాపక అద్యక్షుడు మంద కృష్ణమాదిగ ధ్వజమెత్తారు.