హైదరాబాద్, ఏప్రిల్ 16: తెలంగాణ రాష్ట్రాన్ని ప్రమాద రహిత రాష్ట్రంగా మారుద్దామని రవాణా శాఖ మంత్రి పి.మహేందర్ రెడ్డి అన్నారు. దీనిలో ప్రతి ఒక్కరూ బాధ్యత వహించాలని అన్నారు. సోమవారం నాడిక్కడ శ్రీకృష్ణ యూత్ అసోసియేషన్ ఆధ్వర్యంలో ఇంజినీరింగ్ విద్యార్థులకు, యువతకు హెల్మెట్‌లను ఆయన నివాసంలో పంపిణీ చేశారు.

హైదరాబాద్, ఏప్రిల్ 16: మక్కామసీదు బాంబు పేలుళ్ల కేసులో న్యాయం జరగలేదని ఎంఐఎం ఎంపీ అసదుద్దీన్ ఓవైసీ అన్నారు. పేలుళ్లపై నాంపల్లి ఎన్‌ఐఏ కోర్టు ఇచ్చిన తీర్పు అనంతరం అసదుద్దీన్ ఒవైసీ స్పందించారు. రాజకీయ ఒత్తిళ్ల కారణంగా 2014 నుంచి ఎన్‌ఐఏ సరిగ్గా దర్యాప్తు చేయలేదని అన్నారు. సాక్ష్యాధారాలు, దర్యాప్తు సరిగ్గా చేపట్టకపోతే కోర్టు ఏం చేస్తుందని అన్నారు.

హైదరాబాద్, ఏప్రిల్ 16: పార్టీలతో కాదు ప్రజలతోనే తమ పార్టీ పొత్తు పెట్టుకుటుందని సీపీఎం పొలిట్‌బ్యూరో సభ్యులు ఎంఏ బేబీ అన్నారు. సోమవారం మహాసభల సందర్భంగా సుందరయ్య విజ్ఞాన కేంద్రంలో ఏర్పాటు చేసిన మీడియా సెంటర్‌ను పార్టీ రాష్ట్ర కార్యదర్శి తమ్మినేని వీరభద్రంతో కలిసి ప్రారంభించారు. ఈ సందర్భంగా వారు మాట్లాడుతూ ప్రజల సమస్యలపై నిరంతరం పోరాటం చేస్తూ ప్రజలకు చేరువ అవుతున్నట్టు చెప్పారు.

హైదరాబాద్, ఏప్రిల్ 16: అన్ని వర్గాల ప్రజలకు న్యాయం చేస్తున్నామని ప్రచారం చేసుకుంటున్న తెలంగాణ ప్రభుత్వం వడ్డెర్ల సంక్షేమాన్ని మరిచిందని వడ్డెర సంక్షేమ సంఘం జాతీయ అధ్యక్షుడు వెంకటేష్ విమర్శించారు. నగరంలో నిర్వహించిన జాతీయ వడ్డెర సంఘం సర్వసభ్య సమావేశానికి ముఖ్య అతిధిగా హాజరైన వేముల వెంకటేష్ మాట్లాడారు.