యూనివర్సిటీ ఫ్యాకల్టీలు విద్యార్థులపై శ్రద్ధ పెట్టకపోవడం కూడా విద్యార్థులు ఆత్మహత్యలు చేసుకోవడానికి ఒక ప్రధాన కారణం. నిత్యజీవితంలో కొన్ని సంఘటనలో విఫలం కావడం, మరికొందరు విద్యార్థులు ప్రేమలో ఓడిపోవడం లాంటి సంఘటనలు కూడా వారిని ఆత్మహత్యకు ప్రేరేపించవచ్చు. రోజురోజుకు వయస్సు పెరిగిపోవడంతో ఇక జీవితంలో సెటిల్ అవుతామా లేదా అనే అభద్రత భావం కూడా వారికి కలుగుతుంది.

భారతదేశ వ్యాప్తంగా ఇటీవల కాలంలో అనేకానేక విశ్వవిద్యాలయాల్లో చోటుచేసుకుంటున్న పరిణామాలు ప్రతి ఒక్కరినీ ఆందోళనకు గురిచేస్తున్నాయి. దీనికి స్పష్టంగా ముచ్చటగా మూడు కారణాలు కన్పిస్తున్నాయి. ఎంతో సంతృప్తికరంగానే జీతాలు పొందుతున్న ఆచార్యులు ‘బోధకులు’ పాఠాలు సక్రమంగా చెప్పకపోవటం... ఇక విద్యార్థులు ఇతరత్రా కార్యకలాపాల్లో మునిగి తేలుతూ తరగతులకు సక్రమంగా హాజరుకాకపోవటం..

నేడు విశ్వవిద్యాలయాల్లో అప్పుడప్పుడు అలజడులు, ఉద్యమాలు చోటుచేసుకోవడం సర్వసాధారణంగా మారింది. విద్యార్థులు చదువు వైపు కాకుండా ఇతర మార్గాల వైపు దృష్టి సారించడమే ఇందుకు ప్రధాన కారణం. అందువల్ల వారు నిరంతరం పుస్తకాలతో కాలక్షేపం చేసేలా వారిని మోటివేట్ చేయాలి. విద్యార్థులు పేపర్ ప్రెజంటేషన్ సెమినార్ హాల్లో లేదా కానె్ఫరెన్స్ హాల్లో ఇవ్వడం అలవాటు చేయగలిగితే వారు అందుకోసం నెలల తరబడి కష్టపడాల్సి వస్తుంది.

విద్యార్థులెవ్వరూ ఆత్మహత్యలకు పాల్పడరాదు. తద్వారా వారు సాధించేదేమీ ఉండదు. పైగా వారి కుటుంబ సభ్యులను అనాధలుగా చేస్తున్నారు. తల్లిదండ్రులు ఎంతో వ్యయ ప్రయాసాలతో పిల్లల్ని చదివిస్తున్నారు. అందువల్ల ఆత్మహత్య చేసుకోకుండా సమస్యపై గట్టిగా పోరాటం చేయాలి, బతికి సాధించాలి. ఇక వైస్-్ఛన్సలర్ల నియమాకం విషయంలో అన్ని జాగ్రత్తలు తీసుకోవాలి. ఇప్పుడు హైదరాబాద్ సెంట్రల్ యూనివర్సిటీలో అదే జరిగింది.