విశాఖపట్నం, ఆగస్టు 1: ఉత్తర బంగళాఖాతంలో ఏర్పడిన అల్పపీడనం సోమవారం కూడా కొనసాగుతోంది. రానున్న 48 గంటల్లో ఇది మరింత బలపడనుందని విశాఖలోని తుపాను హెచ్చరికల కేంద్రం అధికారులు సోమవారం రాత్రి తెలిపారు. నైరుతి రుతుపవనాలు కూడా చురుగ్గా ఉండటంతో రానున్న 24 గంటల్లో కోస్తాంధ్రలో పలు చోట్ల వర్షాలు కురిసే అవకాశం ఉంది. ఒకటి, రెండు చోట్ల భారీ వర్షం కురిసే అవకాశం ఉందని తెలిపారు.

పుత్తూరు, ఆగస్టు 1: చిత్తూరు జిల్లా పుత్తూరు మండలం ఎగువ కృష్ణాపురం మామిడితోటలో ఓ గుర్తు తెలియని యువతి దారుణ హత్యకు గురైన సంఘటన ఆలస్యంగా వెలుగుచూసింది. ఎగువ కృష్ణాపురం వద్ద ఉన్న మామిడితోటలో 18 ఏళ్ల వయసు కలిగిన ఓ యువతిని హత్య చేసిన అగంతుకులు ఆమె శరీరాన్ని తగలబెట్టారు. ఈ సంఘటనలో ఆమె శరీరం మోకాళ్ల వరకు పూర్తిగా కాలిపోయింది. సోమవారం స్థానికులు గుర్తించి ఈ విషయాన్ని పోలీసులకు సమాచారం ఇచ్చారు.

న్యూఢిల్లీ, ఆగస్టు 1: రుణ రికవరీ బిల్లుకు సోమవారం లోక్‌సభ ఆమోదం తెలిపింది. ప్రభుత్వరంగ బ్యాంకుల ఉనికిని మొండి బకాయిలు (నిరర్థక ఆస్తులు) ప్రశ్నార్థకం చేస్తున్న నేపథ్యంలో ఈ బిల్లు అమల్లోకి వస్తే రుణాల వసూళ్లు తేలిక కానుందని నిపుణులు చెబుతున్నారు. అయితే విద్యా రుణాల విషయంలో వెసులుబాటు ఉంటుందన్న కేంద్ర ఆర్థిక మంత్రి అరుణ్ జైట్లీ..

హైదరాబాద్, ఆగస్టు 1: హైదరాబాద్‌లో ఓ లారీ అదుపుతప్పి బీభత్సం సృష్టించింది. సోమవారం ఉదయం మియాపూర్ వద్ద జాతీయ రహదారిపై సంఘటన చోటుచేసుకుంది. భారీ లోడ్‌తో లారీ జనంపైకి దూసుకెళ్లడంతో ఇద్దరు అక్కడిక్కడే మృతి చెందగా, మరో వ్యక్తి తీవ్రంగా గాయపడ్డాడు. పరిస్థితి విషమంగా ఉన్నట్టు తెలిసింది. కూకట్‌పల్లి నుంచి బిహెచ్‌ఇఎల్ వైపు వెళ్తున్న లారీ మదీనగూడ వద్ద రోడ్డు పక్కనే ఉన్న ఓ నర్సరీలోకి దూసుకెళ్లింది.