గుంటూరు, జూలై 25: కృష్ణా పుష్కరాలకు ప్రభుత్వం పుష్కలంగా నిధులు విడుదల చేసింది. రెండు జిల్లాల్లో వందల కోట్ల రూపాయలకు టెండర్లు పెట్టారు. గుంటూరు నగరంలో రోడ్ల విస్తరణ పనులు జరుగుతున్నాయి. పుష్కరాలు సమీపిస్తున్నా ఇప్పటికీ ఘాట్ల నిర్మాణం.. రోడ్ల విస్తరణ పనులు ఇంకా పూర్తికాలేదు. తాడేపల్లి కృష్ణాకెనాల్ రైల్వే ఓవర్ బ్రిడ్జి నుంచి సీతానగరం వరకు ఒకే ఘాట్‌ను ఏర్పాటు చేస్తున్నారు.

న్యూఢిల్లీ, జూలై 25: భారత్-పాకిస్తాన్‌ల మధ్య తలెత్తుతున్న ఉద్రిక్త పరిస్థితులు ఓ అనూహ్య పరిణామాలకు దారితీసింది. పాకిస్తాన్‌లోని భారత హైకమిషన్‌లో పనిచేస్తున్న దౌత్యవేత్తలు, ఇతర అధికారుల పిల్లల్ని ఇతర దేశాల్లో చదివించాలని, అందుకు సంబంధించిన ఏర్పాట్లు చేసుకోవాలని కేంద్ర ప్రభుత్వం ఆదేశించింది. ప్రస్తుత విద్యా సంవత్సరం నుంచే తమ పిల్లల్ని ఇతర దేశాల్లో చదివించాలని పేర్కొంది.

ఏలూరు, జూలై 25 : దశల వారీగా కొల్లేరు ప్రాంతాలను అన్ని రంగాల్లోనూ అభివృద్ధి చేయడమే లక్ష్యంగా వ్యవహరిస్తామని ప్రభుత్వ విప్ చింతమనేని ప్రభాకర్ అన్నారు. సోమవారం ఏలూరు మండలం పత్తికోళ్ల లంక గ్రామంలో సోలార్ వాటర్ ప్లాంట్‌ను ఆయన ప్రారంభించారు. ఈ సందర్భంగా ఏర్పాటు చేసిన సమావేశంలో ఆయన మాట్లాడుతూ అన్ని కొల్లేరు ప్రాంతాల్లోని గ్రామాల్లో కనీస వౌలిక సదుపాయాలను మెరుగుపరుస్తామని పేర్కొన్నారు.

కుకునూరు, జూలై 25 : మండలంలో పోలవరం నిర్వాసిత స్పష్టత కోసం సోషల్ ఎకనామిక్ సర్వే నిర్వహిస్తున్నట్లు, దీనిలో భాగంగానే సోమవారం దాచారం, కొండపల్లి, క్షీరవల్లి, అమరవల్లి, కోమట్లగూడెం గ్రామాల్లో ఆర్ అండ్ ఆర్, ల్యాండ్ సర్వే నిర్వహిస్తున్నట్లు సబ్ కలెక్టర్ షాన్‌మోహన్ తెలిపారు.