తిరుపతి, మార్చి 18: చిన్న పిల్లల నుంచి మహిళల వరకు అందర్నీ విలన్లుగా జుగుప్సాకరంగా చూపిస్తున్న టీవి సీరియల్స్ తీరు మారాలని, ఇందుకోసం తాము మానవహక్కుల కమిషన్, సెన్సార్ బోర్డు దృష్టికి ఈవిషయాన్ని తీసుకువెడతామని మహిళ కమిషన్ చైర్‌పర్సన్ నన్నపనేని రాజకుమారి అన్నారు.

కర్నూలు, మార్చి 18: కర్నూలు జిల్లా నంద్యాల శాసనసభ స్థానానికి జూన్‌లో ఉప ఎన్నిక నిర్వహించే అవకాశం ఉంది. జూలై మొదటి వారంలో భారత రాష్టప్రతి ఎన్నిక నిర్వహించనున్నందున ఆ ఎన్నిక నాటికి దేశంలో ఎక్కడా శాసనసభ, పార్లమెంట్ అభ్యర్థులకు సంబంధించి ఖాళీలు ఉండకూడదని, అన్నింటికీ ఉప ఎన్నికలు పూర్తి చేయాలని ఎన్నికల కమిషన్ ఆదేశించింది.

విజయవాడ, మార్చి 17: ఏడాదిలోగా ప్రతి గ్రామంలో ఎల్‌ఇడి ట్యూబులైట్లు ఏర్పాటు చేస్తామని ముఖ్యమంత్రి చంద్రబాబు తెలిపారు. శుక్రవారం రాత్రి అమరావతిలో ఎల్‌ఇడి ట్యూబులైట్ల ఏర్పాటు కార్యక్రమాన్ని సిఎంవో నుంచి ప్రారంభించారు. రాజధాని అమరావతి పరిధిలోని మందడం, వెలగపూడి గ్రామస్తులకు ముఖ్యమంత్రి ఎల్‌ఇడి ట్యూబులైట్లు పంపిణీ చేశారు. ప్రతి ఇంటిలో బల్బు, ఫ్యాను, ఎల్‌ఇడి ట్యూబులైటు ఉండాలని కోరారు.

విజయవాడ (క్రైం), మార్చి 17: సమాజంలో అవినీతికి పాల్పడేవారే అంటరానివారని, లంచం తీసుకున్న వ్యక్తి పట్ల కుటుంబంలో, సమాజంలో, పనిచేసే కార్యాలయాల్లోనూ గౌరవం ఉండదని ఏపి అవినీతి నిరోధక శాఖ డైరెక్టర్ జనరల్ ఆర్పీ ఠాకూర్ అన్నారు. గడిచిన మూడు నెలల్లో రాష్ట్రంలో అవినీతిని అదుపు చేయగలిగామన్నారు. ఏసిబి శాఖకు ప్రత్యేకంగా కాల్‌సెంటర్ ఏర్పాటుకు సర్కార్ కృషి చేస్తోందని చెప్పారు.