ఒంగోలు, ఆగస్టు 26: అండర్‌వరల్డ్ గ్యాంగ్‌స్టర్ నరుూం కేసు దర్యాప్తులో భాగంగా తెలంగాణ సిట్ బృందం శుక్రవారం ప్రకాశం జిల్లా కేంద్రమైన ఒంగోలులో సోదాలు నిర్వహించింది. ఒంగోలులోని మంగమూరురోడ్డులోని సురక్ష అపార్ట్‌మెంట్‌లో పహీం పేరుతో నరుూం బావమరిది ఫరానా ఇంటిని కొనుగోలు చేసినట్లు దర్యాప్తులో సిట్‌బృందం గుర్తించింది. ఫరానా ఆ ఇంటిలో పనిమనిషిగా పనిచేస్తోంది.

హైదరాబాద్, ఆగస్టు 26: ‘తుపానును జయించాం. కరువును జయించాం..’ ఇది ప్రభుత్వం తరచూ చేసే ప్రకటన. కానీ క్షేత్రస్థాయిలో ఆ పరిస్థితులు లేవు. పొలంలోకి దిగితే కాళ్లు తడబడతాయి. కళ్లు తడిసిపోతాయి. బీటలువారిన భూములను చూసి భోరుమన్న వేదన వినిపిస్తుంది. సర్కారు చెప్పే రైతు సంక్షేమం పొలాల్లోకి తొంగిచూసి భూతద్దం పెట్టి వెతికినా కనిపించదు. అక్కడ వినిపించేదంతా నీరులేని వేదన, రోదనలే. ఇదీ కరవాంధ్రప్రదేశ్ దృశ్యం.

రాజమహేంద్రవరం, ఆగస్టు 26: ఆంధ్రప్రదేశ్‌లోని 13వేల గ్రామ పంచాయతీల పరిధిలో ఈఏడాది రూ.2500 కోట్లతో 5000 కిలోమీటర్ల మేర అంతర్గత సిసి రోడ్లు, డ్రైన్లు నిర్మించడానికి ప్రణాళికలు సిద్ధం చేసినట్లు రాష్ట్ర పంచాయితీరాజ్‌శాఖ మంత్రి చింతకాయల అయ్యనపాత్రుడు వెల్లడించారు. జాతీయ ఉపాధి హామీ పథకం, 14వ ఆర్థిక సంఘం నిధులతో గ్రామాల్లో అంతర్గత సిసి రోడ్లు నిర్మిస్తామన్నారు.

గుంటూరు, ఆగస్టు 26: ఆంధ్రప్రదేశ్ సచివాలయానికి మంత్రులు, ఉద్యోగులు తరలివస్తున్నారు. శుక్రవారం అటవీ, వైద్య, ఆరోగ్య శాఖ విభాగాలు ప్రారంభమయ్యాయి. అటవీ శాఖ కార్యాలయాన్ని, పేషీని మంత్రి బొజ్జల గోపాలకృష్ణారెడ్డి ఉదయం 8.30 గంటలకు ప్రారంభించగా వైద్య, ఆరోగ్యశాఖ మంత్రి కామినేని శ్రీనివాస్ తన చాంబర్‌ను వేదమంత్రోచ్ఛారణల మధ్య లాంఛనంగా ప్రారంభించారు.