గుంటూరు, ఆగస్టు 24: ఆంధ్రప్రదేశ్ శాసనసభ భవనాల నిర్మాణం శరవేగంగా జరుగుతోంది. వెలగపూడిలోని తాత్కాలిక సచివాలయ ప్రాంగణంలోనే 2 లక్షల చదరపు మీటర్లలో శాసనసభ, శాసనమండలి భవనాల నిర్మాణాన్ని ఎల్ అండ్ టి సంస్థ చేపట్టింది.

హైదరాబాద్, ఆగస్టు 24: మహాత్మాగాంధీ జాతీయ గ్రామీణ ఉపాధి హామీ పథకం ఆంధ్రప్రదేశ్ పాలిట వరంగా మారింది. ఈ పథకం కింద కేంద్రం ఇస్తున్న నిధులను చంద్రబాబు ప్రభుత్వం పూర్తిస్థాయిలో సద్వినియోగం చేసుకుంటోంది. వేలకోట్ల రూపాయిల నిధులతో రాష్ట్రంలో వివిధ అభివృద్ధి పథకాలు చేపట్టడంతోపాటు ఇటు పనుల్లేక అల్లాడుతున్న పేదలకు జీవనోపాధిగా మారింది. అంటే ఒకే పథకంతో విస్తృత ప్రయోజనాలను సాధించుకుంటోంది.

విశాఖపట్నం, ఆగస్టు 24: విశాఖ జిల్లా గిరిజన ప్రాంతం, అరకు, విశాఖ నగర అందాలను హెలికాప్టర్ ద్వారా వీక్షించే అవకాశం దసరా నుంచి అందుబాటులోకి రానుంది. చాలా కాలంగా ఊరిస్తున్న ఈ ప్రతిపాదన త్వరలో కార్యరూపం దాల్చనుంది. ఈ మేరకు రాష్ట్ర మంత్రి గంటా శ్రీనివాసరావు సమక్షంలో విశాఖ నగరాభివృద్ధి సంస్థ (వుడా), స్కై చాపర్స్ లాజిస్టిక్స్ సంస్థ బుధవారం విశాఖలో ఒప్పందం చేసుకున్నాయి.

పోలవరం, ఆగస్టు 24: పట్టిసం ఎత్తిపోతల పథకంలోని 16 మోటార్లను బుధవారం నుండి ఆన్‌చేసి పోలవరం ప్రాజెక్టు కుడి కాలువ ద్వారా కృష్ణా జిల్లాకు గోదావరి నీటిని తరలిస్తున్నారు. రోజుకు 5,664 క్యూసెక్కుల నీటిని కృష్ణా జిల్లాకు తరలిస్తున్నారు. ఎత్తిపోతల ప్రారంభించినప్పటి నుంచి అధిక మోటార్లు ఆన్‌చేయడం ఇదే మొదటిసారి.