తిరుమల: జనసేన పార్టీ అధినేత, సినీనటుడు పవన్‌ కల్యాణ్‌ తిరుమల శ్రీవేంకటేశ్వరస్వామివారిని శనివారం ఉదయం దర్శించుకున్నారు. తితిదే అధికారులు పవన్‌కల్యాణ్‌కు స్వాగతం పలికి దర్శన ఏర్పాట్లు చేశారు. దర్శనానంతరం స్వామివారి తీర్థప్రసాదాలు అందజేశారు. రెండ్రోజులుగా తిరుమలలోనే బస చేసిన పవన్‌ కల్యాణ్‌ ఈరోజు మధ్యాహ్నం 3గంటలకు తిరుపతి చేరుకుంటారు.

ఆనందపురం (విశాఖ), ఆగస్టు 26: అక్రమంగా నిల్వ ఉంచిన బాణసంచా సామగ్రి పేలడంతో భార్యాభర్తలు దుర్మరణం పాలైన సంఘటన విశాఖ రూరల్ పరిధిలో శుక్రవారం చోటుచేసుకుంది. ఆనందపురం మండలం వేమగొట్టిపాలెంలో ఇంట్లో అక్రమంగా నిల్వ ఉంచిన బాణసంచా సామగ్రికి ప్రమాద వశాత్తు నిప్పంటుకుని అగ్నికీలలు ఎగసిపడ్డాయి. ఈ దుర్ఘటనలో దాసరి అప్పన్న (45), దాసరి లక్ష్మి (35) సజీవ దహనమయ్యారు.

మంగళగిరి, ఆగస్టు 26: గుంటూరుజిల్లా మంగళగిరిలోని ఎపిఎస్‌పి ఆరో బెటాలియన్ ప్రాంగణంలో 12 కోట్ల రూపాయల వ్యయంతో నిర్మించ తలపెట్టిన ఆంధ్రప్రదేశ్ పోలీసు డైరెక్టర్ జనరల్ (డీజీపీ) కార్యాలయ నిర్మాణానికి శుక్రవారం రాష్ట్ర ఉపముఖ్యమంత్రి, హోంశాఖా మంత్రి నిమ్మకాయల చినరాజప్ప శంకుస్థాపన చేశారు.

మంగళగిరి, ఆగస్టు 26: రాష్ట్రంలో వర్షాలు కురవాలని , పంటలు బాగా పండాలని ప్రార్థిస్తూ శుక్రవారం గుంటూరు జిల్లా మంగళగిరి శ్రీ లక్ష్మీనరసింహస్వామి ఆలయంలో మూడురోజుల వరుణయాగం ప్రారంభమైంది.