న్యూఢిల్లీ, జూలై 21: ఎయిమ్స్ నిర్మాణ పనులను వేగవంతం చేయాలని కేంద్ర ఆరోగ్య శాఖమంత్రి జెపీ నడ్డాను కలసి ఏపీ ఆరోగ్యశాఖమంత్రి కామినేని శ్రీనివాస్ విజ్ఞప్తి చేశారు. గురువారం నాడు ఢిల్లీలో కేంద్రమంత్రులు అనంత్‌కుమార్, అనిల్ మాధవ్ దవేలను కలసి పలు అంశాలు చర్చించారు.

గుంటూరు, జూలై 21: ఆంధ్రప్రదేశ్ సచివాలయానికి మరో రెండు కీలక విభాగాలను తరలించారు. తొలివిడత గత నెల 29వ తేదీన పంచాయతీరాజ్, గృహనిర్మాణశాఖల కార్యాలయాలు ఏర్పాటు కాగా, తాజాగా గురువారం మధ్యాహ్నం రవాణా, రోడ్లు, భవనాలు, విజిలెన్స్ కమిషనరేట్లకు చెందిన ఉద్యోగులు సుమారు వంద మంది ప్రత్యేక బస్సుల్లో సచివాలయానికి చేరుకున్నారు.

విజయవాడ, జూలై 21: రాష్ట్రంలో ఇంజనీరింగ్ కాలేజీ విద్యార్థులను ప్రజా సాధికార సర్వేలో ఎన్యూమలేటర్లుగా వినియోగించుకునే అంశాన్ని పరిశీలిస్తామని ముఖ్యమంత్రి చంద్రబాబు తెలిపారు. రాష్ట్ర ప్రభుత్వం ప్రతిష్టాత్మకంగా ప్రారంభించిన పల్స్ సర్వే కార్యక్రమ పురోగతిని గురువారం ముఖ్యమంత్రి గుంటూరు జిల్లా ఉండవల్లిలోని తన నివాసం నుంచి వీడియో కాన్ఫరెన్స్ ద్వారా సమీక్షించారు.

కడప, జూలై 21: ఎర్రచందనం దుంగలు వేలం నోటిఫికేషన్ జారీ నేపధ్యంలో స్మగ్లర్లు, కాంట్రాక్టర్ల సిండికేట్‌పై ఇంటలిజెన్స్‌వర్గాలు నిఘా పెట్టినట్లు సమాచారం. స్మగ్లర్ల నుంచి స్వాధీనం చేసుకున్న ఎర్రచందనం దుంగలను టెండర్ల ద్వారా విక్రయించాలని ప్రభుత్వం నిర్ణయించిన సంగతి తెలిసిందే. ఈ నేపధ్యంలో స్మగ్లర్లతో కాంట్రాక్టర్లు కుమ్మకు కాకుండా చూసేందుకు అధికారులు చర్యలు చేపట్టారు.