బ్రహ్మంగారిమఠం, ఏప్రిల్ 5: మహా యోగి అచలానంద స్వామి సోమవారం రాత్రి ఒంగోలులోని తన ఆశ్రమంలో పరమపదించారు. రాత్రికి రాత్రే ఆయన పార్థివ దేహాన్ని కడప జిల్లా బ్రహ్మంగారిమఠం మండలం తోట్లపల్లెలోని ఆయన ఆశ్రమానికి తరలించారు. ప్రకాశంజిల్లా నాగులుప్పలపాడు మండలం వమ్మేవరం గ్రామానికి చెందిన నెల్లూరు పుల్లయ్యశర్మ, వెంకటసుబ్బమ్మ దంపతులకు అచలానంద స్వామి జన్మించారు.

విజయవాడ, ఏప్రిల్ 5: పర్యావరణ అనుమతులు లేకుండా రాష్ట్రంలోని ఏ రీచ్‌లోనూ ఇసుక తవ్వకాలు జరపరాదని రాష్ట్ర ప్రభుత్వం ఆదేశాలు జారీ చేసింది. ఈ పర్యావరణ అనుమతులను ఆయా జిల్లా కలెక్టర్లే జారీ చేసే విధంగా ఆదేశాల్లో పేర్కొంది. ఏ రాష్ట్రంలోనూ లేని విధంగా ఆంధ్రప్రదేశ్ ప్రభుత్వం ఉచిత ఇసుక విధానాన్ని ప్రకటించింది. దీనికి సంబంధించిన మార్గదర్శకాలను ప్రభుత్వం మంగళవారం విడుదల చేసింది.

విజయవాడ, ఏప్రిల్ 5: ప్రతిపక్ష వైకాపా నుంచి మరో ఎమ్మెల్యే అధికార పార్టీలోకి వచ్చేందుకు రంగం సిద్ధమైంది. నెల్లూరు జిల్లా గూడూరు ఎమ్మెల్యే పాశం సునీల్ మంగళవారం రాత్రి ముఖ్యమంత్రి చంద్రబాబును కలిశారు. మంచి మూహూర్తం చూసుకుని పార్టీలో చేరుతానని ముఖ్యమంత్రికి సునీల్ చెప్పినట్టు తెలిసింది. బహుశా ఉగాది రోజున ఆయన టిడిపిలో చేరే అవకాశం ఉంది.

విశాఖ: ఉద్యోగాలిప్పిస్తానని పలువురు యువకులను మోసగించిన కేసులో చంద్రశేఖర్ అనే నిందితుడిని విశాఖ పోలీసులు మంగళవారం అరెస్టు చేశారు. ఇతని నుంచి సెల్‌ఫోన్, ల్యాప్‌టాప్‌ను స్వాధీనం చేసుకుని వివరాలు రాబడుతున్నారు.