విజయవాడ, ఆగస్టు 21: కేంద్ర ప్రభుత్వ జీఎస్టీలో నమోదు చేసుకున్న పన్ను చెల్లింపుదారులందరూ 2017-18 ఆర్థిక సంవత్సరానికి సంబంధించిన రిటర్న్‌లను ఆగస్టు 31వ తేదీలోగా ఫైల్ చేయాలని కేంద్ర పన్నుల విజయవాడ డివిజన్ ఉప కమిషనర్ సీ శంకరన్ రాజు తెలిపారు. లేని పక్షంలో జీఎస్టీ చట్టం ప్రకారం భారీగా జరీమానాలు చెల్లించాల్సి ఉంటుందని బుధవారం ఒక ప్రకటనలో ఆయన స్పష్టం చేశారు.

విజయవాడ, ఆగస్టు 21: సమాజంలోని విభిన్న వర్గాల ప్రయోజనం కోసమే కేంద్ర, రాష్ట్ర ప్రభుత్వాలు ఆదాయపు పన్ను వసూళ్లను వినియోగిస్తాయన్న విషయాన్ని మరువరాదని రాష్ట్ర గవర్నర్ బిశ్వభూషణ్ హరిచందన్ అన్నారు. అలాగే పన్ను చెల్లింపు దారుల సంఖ్య కూడా గణనీయంగా పెరగటం శుభపరిణామనన్నారు. ఇది దేశ ఆర్థిక అభివృద్ధికి చిహ్నమని, సమాజ ప్రయోజనాల కోసనే పన్ను చెల్లిస్తున్నామన్న విషయాన్ని ప్రతి ఒక్కరూ గుర్తించాలన్నారు.

ముంబయి, ఆగస్టు 21: గడచిన జూన్ నెలతో ముగిసిన త్రైమాసికంలో వివిధ కార్పొరేట్ కంపెనీల ఫలితాలు ఆశించిన స్థాయిలో లేకపోవడానికి ఆర్థిక మాంద్యమే ప్రధాన కారణమని దేశీయ రేటింగ్ ఏజెన్సీ ‘కేర్ రేటింగ్స్’ అధ్యయన నివేదిక వెల్లడించింది. ప్రధానంగా ‘ఇండియా ఇన్క్’ నికర విక్రయాల వృద్ధి గడచిన జూన్‌తో ముగిసిన త్రైమాసికంలో 4.6 శాతానికి పడిపోయింది. గత ఏడాది ఇదే కాలంలో 13.5 శాతం వృద్ధిరేటు నమోదైంది.

గుంటూరు : వరదల వల్ల పంటలు నష్టపోయిన రైతాంగానికి నూరుశాతం రాయితీతో విత్తనాలు సరఫరా చేయనున్నట్లు రాష్ట్ర వ్యవసాయ శాఖ మంత్రి కన్నబాబు పేర్కొన్నారు. మంగళవారం గుంటూరు సమీపంలోని లాం ఫారంలో పలు అభివృద్ధి కార్యక్రమాల ప్రారంభోత్సవాల్లో పాల్గొన్న మంత్రి కన్నబాబు మాట్లాడుతూ కృష్ణానది వరదలతో గుంటూరు, కృష్ణా జిల్లాల్లో, గోదావరి వరదలతో ఉభయ గోదావరి జిల్లాల్లో పంట నష్టం జరిగిందన్నారు.