పారిస్‌లో బెలూన్లు చేతబట్టి భారీ ప్రదర్శన నిర్వహిస్తున్న ఎల్లోవెస్ట్స్ నిరసనకారులు. ఫ్రెంచ్ ప్రభుత్వం తీసుకుంటున్న ఆర్థిక నిర్ణయాలు లోపభూయష్టంగా ఉన్నాయని, వీటి వల్ల ధనవంతులే లాభపడుతున్నారని ఎల్లోవెస్ట్స్ ఉద్యమకారులు ఆరోపిస్తున్నారు.

చెన్నై, మార్చి 8: అశోక్ లేలాండ్‌కు గుజరాత్ నుంచి భారీ ఆర్డర్ లభించింది. అక్కడి రోడ్డు రవాణా కార్పొరేషన్ (జీఎస్‌ఆర్‌టీసీ) నుంచి 1,200 బస్సుల సరఫరాకు ఆర్డర్‌ను పొందింది. దీనితో ఇటీవల కాలంలో మొత్తం 2,580 బస్సులకు ఆర్డర్లు లభించినట్టు హిందూజా గ్రూప్‌లోని ఒక విభాగమైన అశోక్ లేలాండ్ మేనేజింగ్ డైరెక్టర్ వినోద్ కే. దాసరి శుక్రవారం విడుదల చేసిన ఒక ప్రకటనలో తెలిపారు.

న్యూఢిల్లీ, మార్చి 8: జాగర్‌నాట్ బుక్స్ పబ్లిషింగ్ హౌస్‌తో హార్పర్‌కొలిన్స్ ఇండియా వ్యాపార ఒప్పందం కుదుర్చుకుంది. దీని ప్రకారం, జాగర్‌నాట్ ప్రచురించిన పుస్తకాల అమ్మకాలు, సరఫరా బాధ్యతలను హార్పర్‌కొలిన్స్ స్వీకరించింది. ఈ మేరకు ఒప్పందం పత్రాలపై సంతకాలు జరిగినట్టు ఈ రెండు పబ్లిషింగ్ సంస్థల ఉన్నతాధికారులు ప్రకటించారు.

న్యూఢిల్లీ, మార్చి 8: బులియన్ మార్కెట్ శుక్రవారం మళ్లీ లాభాల బాట పట్టింది. గురువారం నాటి ట్రేడింగ్‌లో 10 గ్రాముల బంగారం ధర 200 రూపాయలు పడిపోగా, కిలో వెండి ధర 520 రూపాయలు పతనమైంది. విదేశీ మదుపరులు ఆసక్తిని ప్రదర్శించకపోవడంతోపాటు, దేశీయ నగల వర్తకులు కూడా వెనుకంజ వేయడంతో బులియన్ మార్కెట్‌కు నష్టాలు తప్పలేదు. అయితే, శుక్రవారం నాటి ట్రేడింగ్ అందుకు భిన్నంగా సాగింది.