హైదరాబాద్, ఏప్రిల్ 19: తెలంగాణ రాష్ట్ర వాణిజ్య పన్నుల శాఖ ఈ ఏడాది రూ. 64,539 కోట్ల పన్నులను వసూలు చేయాలని లక్ష్యంగా పెట్టుకుంది. గత ఏడాదిపైన 31.86 శాతం వృద్ధిరేటు సాధించాలని నిర్ణయించింది. 2017-18లో వస్తు సేవా పన్ను అమలైన తర్వాత రూ. 48,944 కోట్ల పన్నులను వసూలు చేసింది.

హైదరాబాద్, ఏప్రిల్ 19: హైదరాబాద్‌లో పేటీఎం ద్వారా నగదు బదిలీ లావాదేవీల్లో 40 శాతం వృద్ధి చోటు చేసుకుందని ఆ సంస్థ సివోవో కిరణ్ వాసిరెడ్డి తెలిపారు. ఒన్97 కమ్యూనికేషన్స్‌కు చెందిన పేటమ్‌ను కిరాణ స్టోర్, పెట్రోల్ పంపులు, ఫార్మసీ, ఆటో,ట్యాక్సీ ఇతర సేవలను పొందినందుకు నగదు బదిలీకి ప్రజలు వినియోగించుకుంటున్నారని ఆయన చెప్పారు.

న్యూఢిల్లీ, ఏప్రిల్ 18: వడోదరకు చెందిన డైమండ్ పవర్ ఇన్‌ఫ్రాస్ట్రక్చర్స్ లిమిటెడ్ (డీపీఐఎల్) ప్రమోటర్లు, డైరెక్టర్లను సీబీఐ బుధవారం అరెస్ట్ చేసింది. రూ.2,654 కోట్ల మేర బ్యాకు రుణాలను ఎగ్గొట్టారన్నది వీరిపై ప్రధాన ఆరోపణ. సురేష్ నారాయణ్ భట్నాగర్ ఆయన కుమారు లు అమిత్, సుమిత్‌లు డీపీఐఎల్‌కు ప్రమోటర్లుగా ఉన్నా రు. ఈ కంపెనీ విద్యుత్ కేబుళ్లు, పరికరాలను తయారుచేస్తుందని సీబీఐ తన చార్జ్‌షీటులో పేర్కొంది.

భీమవరం, ఏప్రిల్ 18: అంతర్జాతీయ మార్కెట్లో రొయ్యల ధరలు అదరగొడుతున్నా దేశీయ మార్కెట్లో ఆక్వా రైతులకు ఆ ఫలితం లభించడం లేదు. గత కొనే్నళ్లుగా ఇదే పరిస్ధితి కొనసాగుతోంది. గత కొద్ది రోజులుగా ధరల విధానంలో కొనసాగుతున్న ఆటుపోట్ల కారణంగా కిలోకు రూ.100కు పైగానే రొయ్యల రైతులు నష్టపోతున్నారు. ఎక్స్‌పోర్టర్లు, దళారీలు సిండికేటుగా మారడంతో తామంతా కోట్లలో నష్టపోతున్నామని ఆక్వా రైతాంగం ఆందోళన వ్యక్తంచేస్తోంది.