ముంబయి: దేశీయ మార్కెట్లు లాభాలతో ముగిసాయి. సెన్సెక్స్‌ 200 పాయింట్లకు పైగా లాభపడగా.. నిఫ్టీ మళ్లీ 10,600 మార్క్‌ను దాటేసింది. ఉదయం దేశీయ మార్కెట్లు స్వల్ప లాభాలతో ప్రారంభమయ్యాయి. ఒక్కసారిగా సెన్సెక్స్‌ 200 పాయింట్లకు పైగా దూసుకెళ్లింది. మార్కెట్‌ ముగిసే సమయానికి 212 పాయింట్లు ఎగబాకి 34,714 వద్ద స్థిరపడింది. అటు నిఫ్టీ కూడా 47 పాయింట్ల లాభంతో 10,618 వద్ద ముగిసింది.

వాషింగ్టన్, ఏప్రిల్ 25: చమురు, సహజవాయువు, బొగ్గు వంటి ఇంధనాల ధరలు ఈ ఏడాది మరో 20 శాతం పెరగనున్నాయని ప్రపంచ బ్యాంకు నివేదిక స్పష్టం చేసింది. ఈ పెరుగుదల వల్ల 80 శాతం ఇంధన అవసరాలను తీర్చుకోవడానికి విదేశాలపై ఆధారపడుతున్న భారత్‌పై పెను భారం పడనుంది. గత అక్టోబర్ నెలనుంచి పరిశీలిస్తే వీటి ధరల్లో 16 శాతం వృద్ధి నమోదైందని, ప్రపంచ బ్యాంకు తన 3ఏప్రిల్ వస్తు మార్కెట్ సమీక్ష2లో పేర్కొంది.

ముంబయి, ఏప్రిల్ 25: రెండు రోజుల పాటు బలపడిన దేశీయ స్టాక్ మార్కెట్లు బుధవారం నష్టాలను చవిచూశాయి. ఓవైపు ప్రపంచ స్టాక్ మార్కెట్లలో నిరుత్సాహకరమైన వాతావరణం నెలకొన్న నేపథ్యంలో డెరివేటివ్‌ల కాలపరిమితి గురువారంతో ముగియనుండటంతో బుధవారం సెషన్ చివరలో మదుపరులు అమ్మకాలకు హడావుడి పడటంతో మార్కెట్ కీలక సూచీలు పడిపోయాయి.

విశాఖపట్నం: వాణిజ్య పరమైన అవరోధాలను అధిగమించి స్టీల్‌ప్లాంట్ వార్షిక వృద్ధిరేటు సాధించే దిశగా సంస్థ ముందుకు సాగుతోందని విశాఖ స్టీల్‌ప్లాంట్ సీఎండీ వీ మధుసూదన్ అన్నారు. విశాఖలో ఆలిండియా కస్టమర్ల మీట్‌ను మంగళవారం ఆయన ప్రారంభించారు. ఈ సందర్భంగా మాట్లాడుతూ గతేడాది వార్షిక టర్నోవర్ రూ.16,500 కోట్లను ఈ సారి అధిగమించి తీరుతామని ధీమా వ్యక్తం చేశారు.