ముంబయి, ఏప్రిల్ 13: స్థూలార్థిక గణాంకాలు అంచనాలకు మించి సానుకూలంగా ఉండటంతో పాటు కార్పొరేట్ కంపెనీల నాలుగో త్రైమాసిక (క్యూ 4) ఫలితాలు బాగుంటాయన్న మదుపరుల అంచనాలతో దేశీయ స్టాక్ మార్కెట్లు శుక్రవారం లాభాలతో ముగిశాయి. మధ్యాహ్నం తరువాత కొంత అనిశ్చితి నెలకొన్నప్పటికీ మార్కెట్ కీలక సూచీలు దానిని అధిగమించి, ఆరు వారాల గరిష్ఠ స్థాయికి చేరుకున్నాయి.

న్యూఢిల్లీ, ఏప్రిల్ 13: నాలుగు నెలల వ్యవధి తర్వాత మార్చి నెలలో భారత్ ఎగుమతులు పడిపోయినప్పటికీ, 2017-18 ఆర్థిక సంవత్సరం మొత్తం మీద 9.78 శాతం పెరుగుదల నమోదు చేసి, 302.84 బిలియన్ డాలర్లకు చేరుకున్నాయి. అయితే మార్చి నెలలో ఎగుమతులు 0.66 శాతం పడిపోవడానికి ప్రధాన కారణం కొన్ని రంగాలకు చెందిన ముఖ్యంగా పెట్రోలియం, రత్నాలు, ఆభరణాల ఉత్పత్తులు తగ్గిపోవడమే.

న్యూఢిల్లీ, ఏప్రిల్ 12: ప్రముఖ ఫ్రెంచ్ టెలివిజన్ల తయారీ సంస్థ థామ్సన్ దేశీయ మార్కెట్‌లోకి పునఃప్రవేశించింది. దేశ రాజధాని ఢిల్లీలో గురువారం థామ్సన్ కంపెనీ తక్కువ ధరలకే అద్భుత ఫీచర్లతో మూడు సైజుల స్మార్ట్ టీవీలను విడుదల చేసింది. ఈ టెలివిజన్‌లు కేవలం ప్రముఖ ఈ కామర్స్ వెబ్‌సైట్ ఫ్లిప్ కార్డు ద్వారా నేటి నుంచి అందుబాటులో ఉంచనున్నట్టు సంస్థ ప్రతినిధులు తెలిపారు.

ముంబయి, ఏప్రిల్ 12: ఐడీబీఐ బ్యాంకుకు, రిజర్వ్ బ్యాంకు రూ.3 కోట్ల జరిమానా విధించింది. తాను నిర్దేశించిన మార్గదర్శక సూత్రాకనుగుణంగా చెడ్డ రుణాలకు సంబంధించిన నివేదికను సమర్పించలేదన్న కారణంగా ఐడీబీఐపై ఈ చర్య తీసుకున్నట్టు రిజర్వ్ బ్యాంకు ఒక ప్రకటనలో తెలిపింది.