న్యూఢిల్లీ, మార్చి 12: కేంద్రం ఎయిర్ ఇండియాకు చెల్లించాల్సిన బకాయిలు అక్షరాలా రూ.325 కోట్లు. అసలే పీకల్లోతు నష్టాల్లో కూరుకుపోయిన ఎయిర్ ఇండియాకు కేంద్రం బకాయి పడటం విచిత్రమే మరి. ఆర్‌టిఐ కార్యకర్త, పదవీ విరమణ చేసిన నేవీ అధికారి కమ్మోడోర్ లోకేష్ బట్రా సమాచార హక్కు కింద ఎయిర్ ఇండియాకు రావాల్సిన బకాయిల వివరాలు తెలియజేయాలని కోరారు. దీంతో ఈ విషయం బయటపడింది.

విజయవాడ, మార్చి 12: రాష్ట్రంలో ఇరిగేషన్‌కు సంబంధించి ప్రాధాన్య ప్రాజెక్టుల జాబితాలో మరో రెండు ప్రాజెక్టులను ముఖ్యమంత్రి చంద్రబాబునాయుడు చేర్చారు. పోలవరం సహా వివిధ ప్రాజెక్టుల పురోగతిపై ఆయన సోమవారం వెలగపూడి సచివాలయంలో సమీక్ష నిర్వహించారు. ఈ సందర్భంగా ఆయన మాట్లాడుతూ కర్నూలు జిల్లాలోని గుండ్రేవుల రిజర్వాయర్, తోటపల్లి కుడి, ఎడమ కాలువల అభివృద్ధి పనులు చేపట్టాలని ఆదేశించారు.

విజయవాడ (బెంజ్‌సర్కిల్), మార్చి 11: ముఖ్యమంత్రి నారా చంద్రబాబు నాయుడు నివాసముంటున్న ఉండల్లి గ్రామ సమీపంలోని కొండలపై అగ్గి రాజుకుంది. రాష్టవ్య్రాప్తంగా అడవులు, చెట్లు విస్తృతంగా పెంచాలని ముఖ్యమంత్రి చంద్రబాబు అధికారులకు సూచించిన మూడోరోజే ఆయన ఇంటికి సమీపంలోని కొండలు కార్చిచ్చుతో తగలబడిపోతున్నాయి. కొందరు ఆకతాయిల చర్యల వల్ల ఆదివారం కొండలు తగులబడటంతో అటవీ సంపదకు నష్టం జరుగుతోంది.

న్యూఢిల్లీ, మార్చి 6: ప్రభుత్వ రంగ విమానయాన సంస్థ ఎయిర్ ఇండియా ప్రైవేటీకరణ ప్రక్రియ వేలంలో పాల్గొనడానికి జెట్ ఎయిర్‌వేస్, ఎయిర్ ఫ్రాన్స్-కేఎల్‌ఎం, డెల్టా ఎయిర్‌లైన్స్‌లతో కూడిన కన్సార్టియం సిద్ధంగా ఉన్నట్టు విశ్వసనీయ వర్గాలు తెలిపాయి.