న్యూఢిల్లీ, అక్టోబర్ 27: మొండి బకాయిలతో సతమతమవుతున్న ప్రభుత్వ రంగ బ్యాంకులను ఆదుకునేందుకు రూ.2.11 లక్షల కోట్ల మేర ఉద్దీపనల పథకాన్ని ప్రకటించిన కేంద్ర ప్రభుత్వం దీనిపై ఏ దిశగా ముందుకు వెళ్లాలన్న దానిపై ఆలోచన చేస్తోంది. బ్యాంకులకు మళ్లీ భారీగా మూల ధనాన్ని కల్పించే విషయమై అనేక అంశాలను పరిశీలిస్తోంది. వీటిలో ప్రధానంగా జీరో కూపన్ బాండ్లను జారీ చేయాలని ఆలోచన కూడా ఉంది.

హైదరాబాద్, అక్టోబర్ 27: విలాసవంతమైన కార్ల తయారీలో ప్రపంచ వ్యాప్తంగా ఎంతో పేరు పొందిన బ్రిటిష్ సంస్థ బెంట్లీ మోటార్స్ శుక్రవారం హైదరాబాద్‌లో తమ షోరూమ్‌తో పాటు సర్వీస్ సెంటర్‌ను ప్రారంభించింది. ఢిల్లీ, ముంబయి నగరాల్లో ఇప్పటికే రెండు షోరూమ్‌లను నడుపుతున్న ఆ సంస్థకు మన దేశంలో ఇది మూడో షోరూమ్.

ముంబయి, అక్టోబర్ 27: దేశంలోని ప్రైవేటు రంగ బ్యాంకుల్లో అతిపెద్దదైన ఐసిఐసిఐ బ్యాంకు ఏకీకృత నికర లాభం ప్రస్తుత ఆర్థిక సంవత్సర రెండో త్రైమాసికంలో 30 శాతం క్షీణించింది. గత ఏడాది రెండో త్రైమాసికంలో 2,979 కోట్ల రూపాయలుగా ఉన్న తమ నికర లాభం ఈ ఏడాది జూలై-సెప్టెంబర్ త్రైమాసికంలో 2,071.38 కోట్లకు పడిపోయిందని, మొండి బకాయిలు పెరగడమే ఇందుకు ప్రధాన కారణమని ఐసిఐసిఐ బ్యాంకు శుక్రవారం ఒక ప్రకటనలో వెల్లడించింది.

ముంబయి/ న్యూఢిల్లీ, అక్టోబర్ 26: దేశీయ స్టాక్ మార్కెట్లు వరుసగా రెండో రోజు కూడా రికార్డును సృష్టించే పరుగును కొనసాగించాయి. బిఎస్‌ఇ సెనె్సక్స్, ఎన్‌ఎస్‌ఇ నిఫ్టీ రెండూ కూడా గురువారం తాజాగా జీవితకాల గరిష్ఠ స్థాయి వద్ద ముగిశాయి. సెనె్సక్స్ 104.63 పాయింట్లు పుంజుకొని 33,147.13 పాయింట్ల వద్ద ముగిసింది. నిఫ్టీ 48.45 పాయింట్లు పెరిగి 10,343.80 పాయింట్ల వద్ద స్థిరపడింది.