న్యూఢిల్లీ, ఆగస్టు 15: అవినీతి, నల్లధనం నిరోధానికి కేంద్రంలోని నరేంద్ర మోదీ సర్కారు తీసుకుంటున్న చర్యలను దేశ స్వాతంత్య్ర దినోత్సవం సందర్భంగా భారతీయ వ్యాపార, పారిశ్రామిక రంగాలు కొనియాడాయి. విధానపరమైన సంస్కరణలను బలోపేతం చేయాలని, ఉద్యోగ, ఉపాధి అవకాశాల సృష్టికి నిర్ణయాలు తీసుకోవాలని సూచించాయి. సిఐఐ అధ్యక్షురాలు శోభనా కామినేని ఈ మేరకు ఓ ప్రకటనలో పేర్కొన్నారు.

క్షీణించిన క్యాడిలా హెల్త్‌కేర్ లాభం

న్యూఢిల్లీ, ఆగస్టు 15: దేశీయ నిర్మాణ రంగంలోకి ఈ ఏడాది ప్రథమార్ధంలో 16,000 కోట్ల రూపాయలకుపైగా పెట్టుబడులు వచ్చాయి. ప్రాపర్టీ కన్సల్టెంట్ జెఎల్‌ఎల్ ఇండియా వివరాల ప్రకారం ఈ ఏడాది జనవరి-జూన్ మధ్య అటు రుణ, ఇటు ఈక్విటీ మార్కెట్లలోకి మొత్తం 16,008 కోట్ల రూపాయల పెట్టుబడులను రియల్ ఎస్టేట్ రంగం ఆకర్షించింది. ఇందులో 56 శాతం పెట్టుబడులు హౌసింగ్, టౌన్‌షిప్ ప్రాజెక్టుల్లోకే వచ్చాయి.

హైదరాబాద్, ఆగస్టు 15: దీన్ దయాళ్ గ్రామీణ విద్యుద్దీకరణ యోజన కింద 336 కోట్ల రూపాయల వ్యయంతో దారిద్య్ర రేఖకు దిగువన ఉన్న కుటుంబాల వారికి 125 రూపాయలకే సర్వీసు వైర్, ఎల్‌ఇడి బల్బులతో విద్యుత్ సర్వీసు మంజూరు చేసే కార్యక్రమాన్ని చేపట్టామని తెలంగాణ సదరన్ పవర్ డిస్కాం సిఎండి జి రఘుమారెడ్డి తెలిపారు.